​Буряад Уласта 14-һөө дээшэ наһатай 5548 үншэн үхибүүд гэрээр хангагдаха ёһотой

Буряад Уласай ниигэмэй хамгаалгын яаманай 2021 оной майн 1-эй мэдээсэлээр, 14-һөө дээшэ наһатай 5548 үншэн үхибүүд гэрээр хангагдаха ёһотой, тэдэнэй 3 834-иинь – уласай аймагуудта, 1 714-иинь Улаан-Үдэдэ ажаһуудаг юм.

Байгал шадарай аймагта 23 хүрэтэр болон тэрээнһээ дээшэ наһатай 311 хүн гэртэй болохо ээлжээндэ байна, тэрэ тоодо, 14-һөө дээшэ наһатай – 234, 18 дээшэ наһатай - 184 үншэн үхибүүн.

- 2020 ондо ээлжээндэ байһан хоёр үншэн үхибүүн гэртэй болоо. Ородой хуулиин ёһоор, үншэн үхибүүд болон түрэлхидэй харууһагүй үлэһэн үхибүүд гүрэнэй дэмжэлгэдэ хүртэдэг, тэрэ тоодо, байха гэргүй һаань, гэртэй болгохо, - гэжэ Байгал шадарай аймагай ниигэмэй хамгаалгын таһагай хүтэлэгшэ мэргэжэлтэн Марина Андронова хэлэбэ.

2021 ондо үншэн үхибүүдые гэртэй болгохо хэрэгтэ 418,2 сая түхэриг хараалагданхай гэжэ Буряад Уласай ниигэмэй хамгаалгын яаманда һануулна. Тэрэнэй 393,2 сая түхэриг – федеральна бюджедһээ, 25 саяһаа дээшэ түхэриг уласай бюджедһээ һомологдохо юм.

Тиихэдэ 2021 ондо Буряад Уласай бюджедтэ сүүдэй шиидхэбэреээр үншн үхибүүдые гэртэй болгохо хэрэгтэ нэмэлтэ 47 сая түхэриг хараалагданхай. Тэрэнэй ашаар, 1855 үншэн үхибүүд гэртэй болгогдохо юм.