620
Эдэ үдэрнүүдтэ Захааминай аймагай Шара-Азарга, Ёнгорбой, Сагаан-Морин нютагуудай ажаһуугшад одоошье гарай утаһаар харилсаха аргатай болоһондоо баяртай. "Tele2" бүлгэм эдэ нютагуудта 4G-сеть табижа, һайн шанартай холбоон, интернет бии болобо.
"Tele2" бүлгэмэй Буряадтахи таһагай техническэ директор Алексей Баировай мэдээсэһээр:
Байгша оной эхинһээ Муяын, Яруунын, Ивалгын, Хэжэнгын, Загарайн, Бабантын, Захааминай, Байгал шадарай аймагуудай олон нютагуудта сотово холбоон татагдаа. Илангаяа аймагай түбһөө холо оршодог, үсөөн ажаһуугшадтай нютагуудта интернет холбогдоо. Таксимо, Северомуйск һууринуудта сотово холбоон бүри үргэдхэгдэжэ, олон хүнүүд бэе бэетэеэ гарай утаһаар харилсаха аргатай болоо. Ошурково, Горячинск, Шулууты нютагуудта шэнэ станцинууд табигдаа.
Саг болоод лэ энэ холбоон улам хүгжэжэ, шанарынь бүри һайн болгогдожо байха гээд тэмдэглэе.
Фото: pixabay.com
