«Байкальский экспресс» гэһэн аяншалгын поезд Улаан-Үдэ хотоһоо ябажа эхилбэ

Слюдянка хотодо вагонуудай паровозто шагтагалагдахадань, ХХ зуун жэлэй эхиндэ эрьежэ ошоһон мэтээр үзэгдэхэ. Байгал далай дээрэ поезд яһала удаан зогсоно. Тэрэ үедэнь аяншалагшад нютагай ажаһуугшадтай харилсаха, нангин далайе шэртэжэ, нюдөө хужарлуулха арга боломжодо хүртэнэ.

Кругобайкальска түмэр зам дээрэ урданай маягаар баригдаһан 39 тоннель, 470 гаран хүүргэ дайралдаха. Байгал далайн эрьеэр ябажа, түүхэтэ зам гаталхадаа, аяншалагшад дабтагдашагүй мэдэрэл сэдьхэл зүрхэндөө түрүүлхэнь дамжаггүй.

Аяншалагшад болбосон түхэлтэй поезддо һуужа, замда гарана. Эдеэ хоол бариха газар түхеэрэгдэнхэй, тэндэнь Байгалай загаһан болон олон ондоо амтан эдеэн дурадхагдана. Юрэдөө, хүнэй аятай зохидоор амарха оршон байдал зохёогдонхой.

Мартын 11-13-ай үдэрнүүдтэ Улаан-Үдэһөө эгээл түрүүшын бүлэг зориһон байна. Аяншалгын сэн - 8470 түхэриг.