![](/upload/resize_cache/iblock/6a0/780_780_1/6a0d8152d36a9e907843de55d2277f44.png)
© фото: vesti_buryatiya instagram.com
«Бурятия» гэһэн Буряадай гүрэнэй теле-, радиокомпанида шэнэ захирал томилогдобо. Энээн тухай мэдээсэл компаниин Instagram хуудаһанда толилогдоо.
- Буряадай гүрэнэй теле-, радиокомпанида Буряадай Толгойлогшо Алексей Цыденов ВГТРК-гай юрэнхы захиралай орлогшо Рифат Сабитовтай уулзаа. Энэ уулзалгада Рифат Абдулвагапович «Бурятия» ГТРК-гай шэнэ захирал Дмитрий Бадмаевтай танилсуулжа, өөрөөшье компаниин хүдэлмэрилэгшэдтэй танилсаа, - гэжэ мэдээсэлдэ хэлэгдэнэ.
Энээнһээ урид Дмитрий Бадмаев удаан сагта захиралай орлогшын тушаалда хүдэлөө. Тиихэдэ «Бурятия» гэһэн Буряадай гүрэнэй теле-, радиокомпани 2013 онһоо хойшо Марина Урбаева хүтэлбэрилжэ байгаа.
Фото: vesti_buryatiya instagram.com