«Газпром» бүлгэмэй түрүү мэргэжэлтэд Буряадта ерэнхэй. Тус бүлгэмэй правлениин түрүүлэгшын орлогшо Виталий Маркеловай хүтэлбэрилһэн делегаци Буряад Уласай Засагай газарай түлөөлэгшэдтэй уулзажа, гаазаар хангаха асудалнуудаар хөөрэлдөөн болоо.
«Сибириин хүсэн-2» гэһэн гааз дамжуулдаг сорго Ород Уласһаа Хитад руу дамжуулагдахадаа, Монгол ороноор татагдаха. Тиимэһээ Буряад Уласые, Забайкалиин хизаарые гаазаар хангаха арга боломжо бии.
«Газпромой» правлениин түрүүлэгшын орлогшо Виталий Маркелов Улаан-Үдын авиазавод үсэгэлдэр ошожо, ажалтайнь дүтөөр танилсаа. Тус заводто бүтээгдэдэг вертолёдуудые түрүү бүлгэм худалдан абажа, хэрэглэдэг юм. Буряадай вертолёдуудай һайн, найдамтай байһаниие бодото дээрэнь үзэһэн байна.
Фото: pixabay.com