Засаг түрэ 18 jun 2021 382

​Монголой Юрэнхылэгшын тушаалда орохо ёһолол июниин 25-да үнгэрхэ

© фото: Монцамэ

Монголой Юрэнхылэгшын Ухнаагийн Хурэлсухын тушаалда орохо ёһолол июниин 25-ай 11:40 сагта үнгэргэгдэхэ гэжэ Монцамэ албан дуулгана. Шэнээр һунгагдаһан гүрэнэй хүтэлбэрилэгшэ Ехэ Хуралай урда тангаригаа үгэдэг юм.

Ухнаагийн Хурэлсухые XIV дүгээр Далай-лама амаршалаа.

«Монгол анха түрүүшынхиеэ 1979 ондо ерэһэн байнаб, энэ гүрэн тухай дулаахан дурсалганууд үлэнхэй. Бүхы хүн түрэлтэндэ сэнтэй һургаал дэлгэрүүлхэ талаар минии оролдолго монголшуудай аха үеын зон, залуушуулайшье дэмжэдэг байһанда баяртайб, мүнөө үеын болбосоролой системэдэ буддын шажан нэмэхэ хэрэгтэй гэжэ зүбшөөһэндэнь баһал баяртайб», - гэжэ Далай-ламын бэшэгтэ хэлэгдэнэ.

Монголой Юрэнхылэгшын һунгалта июниин 9-дэ үнгэрөө гэжэ һануулнабди.

 

Фото: Монцамэ