1187
Тэрэ Сибириин болон Алас Дурнын тойрогто нооһо ээрэжэ, бүд нэхэдэг ори ганса эмхи болоно.
- Бидэ өөрын эд хэрэглэнэбди, уласайнгаа ажаһуугшадые элдэб бүдөөр хангаха аргатайбди. Байгша ондо хониной нооһо ехээр худалдан абажа нөөсэлхэбди. Хэрэгтэй бүхы оньһон түхеэрэлгэнүүд манай үйлэдбэридэ тодхогдонхой, - гэжэ тус эмхиин гүйсэдхэхы захирал Алексей Спиридонов дуулгана.
Энэ эмхи 2021 ондо ажалаа ябуулжа эхилһэн юм. Мүнөө болоходо, нооһо болбосоруулжа, яһала олон юумэ гаргадаг болонхой.
- Оршон сагай эрхэ байдалда тус эмхиин гаргадаг бүтээлнүүд манай гүрэн дотор тон хэрэгтэй боложо магадгүй. Тиимэһээ үйлэдбэриингээ хэмжээ дээшэлүүлхэ гэһэниинь тон зүб бшуу, - гэжэ Буряад Уласай үйлэдбэриин ба худалдаа наймаанай сайдай уялга дүүргэгшэ Алексей Оловянников хэлэнэ.
Фото: egov-buryatia.ru
