1048
Тиихэдэ энэ сэдэбээр хэдэн суглаанууд эмхидхэгдэһэн байна. «Элшэ хүсэнэй яамантай сэхэ харилсаатайгаар хүдэлхэ байгаат», - гэжэ Алас Дурна зүгэй хотонуудай түсэблэлгын талаар ажалладаг Максим Орешкин хэлээ. Тэрэнэй мэдүүлһээр, 76 хуби ажаһуугшаднай муухай агаар усадхаха тухай хандаһан байна. Баригдажа дүүргэгдээгүй ТЭЦ-2 энэ бэрхэшээл шиидхэхэ хэрэгтэмнай һаатуулна. Хотын 40 хуби ажаһуугшад дулаасуулгын соргонуудые татаха арга боломжогүй. Тиимэһээ түлеэн, хара нүүрһэн хэрэглэгдэнэ. ТГК-14 эмхи ТЭЦ-2 барилгада гаргашалагдаха мүнгэнэй 25-35 хубииень даажа абаха тухай шиидхэбэри абаба, - гэжэ түсэблэлгэ-шүүмжэлэлгын хорооной түрүүлэгшэ Вадим Имидеев хэлэнэ.
Тус бэрхэшээл усадхахын түлөө 4 бэрхэшээл шиидхэхэ хэрэгтэй. Эгээл түрүүн зайн гал хангалга найдамтай байха ёһотой. Хоёрдохёор, элшэ хүсэнэй дутагдалга, гурбадахинь, пеэшэн түлижэ дулаасуулгамнай. Харин эдэ бүхы бэрхэшээлнүүдһээ эбхэрэн гараһан муухай агаарнай 4-дэхинь болоно даа. Иигэжэ Буряад Уласай Толгойлогшо суглаанай үедэ тэмдэглээ.
Эдэ бүхы бэрхэшээлнүүд 2 аргаар шиидхэгдэхэ: бүхы модон гэрнүүдые зайн галаар дулаасуулха, ТЭЦ-2 барижа дүүргэхэ.
Фото: Ариг усай сайтһаа
