Шэнэ сайд

Дмитрий Геннадьевич Булнаев 1975 оной апрелиин 16-да Улаан-Үдэ хотодо түрэһэн юм. 1997 ондо Буряадай гүрэнэй хүдөө ажахын академи  «зоотехния» мэргэжэлээр түгэсхөө. 2004 ондо Зүүн Сибириин техническэ университет дүүргээ. 1997 оной сентябрь һараһаа 2003 оной апрель болотор «Электросвязь» гэһэн эмхидэ, 2003-2008 онуудта  Улаан-Үдэ хотын захиргаанда ажаллаа.

2008 оной август һараһаа Буряад Уласай Эд зѳѳриин ба газарай харилсаануудай  яаманда хүдэлжэ эхилээ, харин 2021 ондо сайдай 1-дэхи орлогшоор томилогдоһон байна.