453
Буряад Уласта коронавирус үбшэнэй талаар байдал шахардуу. Үдэр бүри 150 тухай үбшэнтэн элирүүлэгдэнэ. Мүнөө 900-һаа дээшэ хүн эмнэлгэ гарана. Тэдэнэй 80 хүн хүндөөр үбшэлнэ. Гурба мянган шахуу хүн үбшэнтэнтэй харилсаатай байжа, эмшэдэй хиналта доро байна. Энэ талаар Буряад Уластахи Роспотреб-хиналтын ахамад эмшэн Сергей Ханхареев ажаһуугшадта хандаба.
- Һэргылэмжын хэмжээнүүдые дүүрэн сахиха, ама, хамараа бүглөөд ябаха хэрэгтэй гэжэ дахин һануулнаб. Илангаяа наһатай зонойнгоо түлөө һанаата боложо, хүн зоноор ехээр харилсангүй ябаха хэрэгтэй, - гэжэ тэрэ тэмдэглэбэ.
Буряад Уласай Толгойлогшын тогтоолоор улас дотор олоной хабаадалгатай хэмжээ ябуулганууд хоригдоно. Энэ дүрим эбдэгшэд, 30 мянган хүрэтэр ялада тохогдохо юм.
Бэеэ гамнажа ябагты гэжэ уласай Роспотреб-хиналтын хүтэлбэрилэгшэ хэлэбэ.
Фото: pixabay.com
