434
Буряад Уласай толгойлогшо Алексей Цыденов, Улаан-Үдэ хотын дарга Игорь Шутенковтой Беларусида хотын тоног түхеэрэлтэ, ниитын транспортаар хангалтын талаар хэлсээ баталха гэhэн зорилготой ажаллажа байна.
- Бидэ Беларусида ажаллажа байнабди. Томо, дунда автобуснууды, хүдөө ажахын техника, хотын тоног түхеэрэмжын үйлэдбэри хараабди. Эдэ бүхэн Буряад Уластамнай болон Улан-Үдэ хотодомнай хэрэгтэй болохо, - гэжэ Алексей Цыденов телеграмм сувагтаа бэшээ.
2021 оной дүнгүүдээр Беларуси Буряад Уласай худалдаанай эрьесэ 8.7 сая американ доллар болоо. Бүхы дээрээ 77 зүйлээр эд бараа бүтээлнүүдые экспорт хэнэ.
Автор: Бато-Жаргал Логинов
