Наадажа һургаха ном

Мэдээжэ хүүгэдэй шатарай һоригшо Евгений Байнов эрдэм мэдэсэеэ, дүршэл шадабарияа согсолжо, һуралсалай түрүүшын ном гаргаһан байна.

Хэдэн жэлэй саада тээ Буряадай Шатарай федерациин үүсхэлээр зарим һургуулинуудта шатарай хэшээл үнгэргэхэ талаар ехэхэн ажал ябуулагдаһан байна. Физкультурын гурбадахи хэшээлдэ шатар үзүүлхэ дуратай һуралсалай гуламтануудшье олдоо. Зарим һургуулинуудта шатарай хэшээлнүүд классһаа гадуур эмхидхэгдэжэ эхилээ. Теэд һургаха номуудай үгыһөө боложо, һуралсал тиимэшье эршэтэйгээр ябуулагдангүй байгаа.

 Энэмни түрүүшын ном болоно. Аяар 30 хэшээл хаража, үхибүүд шатарай азатай танилсаха аргатай. Шатарай хюлгэ тухай мэдээсэлһээ эхилээд, ямар дүрэнүүд хайшан гээд ябанаб гэхэ мэтые багашуул мэдэжэ абаха. Шатарта һургалгын удаадахи шатануудта зорюулагдаһан номууд зохёогдожо байнхай, - гэжэ номой автор Евгений Байнов хөөрэнэ.