431
Буряад Уласай зургаан тамиршадта «Ородой Холбоото Уласай спортын мастер» гэһэн нэрэнүүд олгуулагдаа.
Энээн тухай Ород Уласай Спортын яаманай захиралта эдэ үдэрнүүдтэ гараба.
Гиир үргэгшэ Екатерина Романова, санаар урилдааша Игорь Елтышев, һур харбагшад Татьяна Андриевская, Эрдэм Табаев, Ринчина Шобоева, Сергей Цыренов гэгшэд үндэр амжалтануудые туйлажа, энэ нэрэ зэргэдэ хүртэбэ.
Үшөө тиихэдэ «Уласхоорондын спортын мастер» гэһэн нэрэдэ барилдааша Даба Цырендоржиев хүртэбэ. Шэхэ хатуу тамиршадай дунда Европын чемпионадта Буряадай бүхэ барилдааша нэгэдэхи һуури эзэлжэ, энэ габьяагайнгаа түлөө үндэр шагнал абаба.
Даба Цырендоржиев Улаан-Үдэ хотодо Баир Бороевич Батомункуевта һорилго хэдэг.
Фото: egov-buryatia.ru/minsport
