Буряадай эдир шатаршад Ородой чемпионадта хабаадана

Заншалта ёһоороо үхибүүдэй дунда шатарай бүхэроссиин гол хэмжээ ябуулга Сочи хотын “АкваЛоо” пансионадта эмхидхэгдэнэ. 2020 ондо тус мүрысөөн үнгэрөөгүй гээд хэлэлтэй. 
Урда жэлнүүдтэ нэгэ доро табан наһанай бүлэгтэ мүрысөөн эмхидхэгдэдэг һэн. Харин мүнөө жэлдэ наадагшадые хоёр шата болгожо хубаагаа. Апрелиин 9-һөө 18 болотор гурбан наһанай бүлэгтэ үхибүүд тэмсэнэ. Хэды тиигэбэшье, эндэ 867 хүн суглараад наадажа байна. 
Буряадай наадагшад сооһоо табан турай удаа Роман Сымбелов болон Алдар Тыхеев гэгшэд 3,5 очконуудые абанхай. Тэдэ хоёр дээдэ лигэдэ 13 наһа хүрөөдүй  тамиршадтай тэмсэнэ. Энэ бүлэгтэ  77 шатаршад мүрысэнэ. 

Виктория Будаева, Арьяна Жаргалова, Дугар Батуев гэгшэд өөр өөрын наһанай бүлэгтэ 3 очконуудтай болонхой.