462
Октябриин 27-до үндэһэтэнэй тамирай шангай арадай һанал хуряалга эхилээ. Энэ хадаа Ород гүрэнэй тамирай һалбариин эгээл шухала шангуудай нэгэн болоно гэжэ Буряадай спортын яаманда тэмдэглэбэ.
«Преодоление - Спортсмен года» гэһэн номинацида Ородой спортын габьяата мастер Михаил Асташов зууршалагдаа.
Ноябриин 3 болотор Буряадай ажаһуугшад һанал хуряалгада хабаадажа, тамиршаниие дэмжэхэ аргатай.
Хэмжээ ябуулгада оролсохын тула https://sport-premia.ru/vote3.php гэһэн сайтда бүридхэлдэ орожо, «Преодоление» гэһэн номинацида тамиршаниие дэмжэжэ болоно.
Байгша ондо үндэһэтэнэй тамирай шан 12-дохиёо барюулагдаха. Тиигэжэ тамиршад, һоригшод, тамирай эмхинүүд, олондо мэдээсэл тараадаг хэрэгсэлнүүдэй түлөөлэгшэд, Ородой можо нютагууд болон тамирай объектнүүд урмашуулагдадаг. Илагшадта лауреадай нэрэ зэргэ болон нэгэ сая түхэригэй шан дамжуулагдадаг юм.
Токио хотодо үнгэргэгдэһэн Паралимпиин наадануудта Буряадай тамиршан Михаил Асташов велотректэ 3000 метрэй зайда болон шосседэ урилдаагаар алтан медальда хүртөө гэжэ һануулнабди.
Фото: Анна Огородник
