Буряадаймнай барилдаашад Сурдлимпиин нааданда хабаадахань

Шэхэ хатуутай тамиршадай дунда үнгэргэгдэһэн тэмсээндэ Даба Цырендоржиев Александр Цоктоев хоёрой нюрга шоройдуулха хүн олдобогүй.

• Табиһан зорилгонуудаа дүүргээбди. Олон бэрхэ барилдаашад суглараа. Энэ тэмсээнэй дүнгөөр Сурдлимпиин наадануудта хабаадаха суглуулагдамал команда бүридхэгдэхэ, - гэжэ шэхэ хатуутай барилдаашадай һоригшо Баир Батомункуев дуулгаба.

Манай барилдаашад алтан шангуудай хажуугаар үшөө 3 хүрэл медальнуудые абажа шадаба. Будажап Самбуев (57 кг), Руслан Торпинкеев (65 кг) болон Николай Капустин ( 92 кг) гэгшэд бусадһаа шалгаржа, солоёо дуудуулбад.

XXIV Сурдлимпиин нааданууд майн 1-һээ 15 болотор Урда Америкэдэ эхиеэ абаха юм. Дэлхэйн тамирай гол наадан Бразилиин Кашиас-ду-Сул хотодо боложо үнгэрхэ. Бүхыдөө 3000 мянган тамиршад тэндэ сугларжа, хаба шадалаа туршахаар хараалагдана.