Түрүүшүүлэй тоодо

Кирово-Чепецк хотодо мүрысөөн үнгэргэгдэнэ. Эстафетнэ урилдаанда Буряадай тамиршан Алас Дурна зүгэй федеральна тойрогой командые түлөөлжэ, түрүүшын шатада гүйһэн байна. Хабаровска хизаарай Алёна Болонева, Елизавета Суркова, Камчатска хизаарай Елизавета Еремеева гэгшэд шангай 2-дохи һуури эзэлээ. Тэдэ ганса Москва хотын тамиршадые урдаа гаргаа. - Виктория Гусиноозёрск хотоһоо уг гарбалтай. Манай бэлигтэй санашанда туһа үзүүлыт даа гэжэ хэдэн жэлэй саана Сэлэнгын аймагай засаг дарга Станислав Гармаев намда хандаа. Тиигэжэ тэрэ “Номто” спортын клубай гэшүүн болоо. Тамиршанда дүрбэн шэнэ сана абажа үгөөбди. Иигээд лэ Виктория һайн дүнгүүдые харуулжа байна. Ородой суглуулагдамал командын бүридэлдэ оруулха һанаатайбди, - гэжэ Буряад Уласай Арадай Хуралай һунгамал Валерий Доржиев хөөрэнэ. Этигэл найдал түрүүлһэн 17 наһатай санашан аха тамиршадай дунда урилдаба гэжэ хэлэхэ хэрэгтэй.