867
Байгша оной январиин 23-27-ной үдэрнүүдтэ Буряадай ниислэл хотын тамирай-спортын байшанда 19 наһа хүрэтэр эдиршүүлэй дунда шэрээгэй теннисээр Алас Дурнын федеральна тойрогой мүрысөөн эмхидхэгдэхэ.
Алас Дурнын федеральна тойрогой бүридэлдэ ороһонһоо хойшо Буряад Улас тамирай түрүүшын хэмжээ ябуулга үнгэргэнэ гээд тэмдэглэлтэй.
Уридшалһан мэдээгээр, тус мүрысөөндэ Алас Дурнын федеральна тойрогой 8 можо нютагай 2001-2003 онуудай тамиршад хабаадаха юм. Буряад, Саха (Яхад) уласуудай, Амурска, Магаданай можонуудай, Үбэр Байгалай, Приморско, Хабаровска болон Камчатска хизаарнуудай түлөөлэгшэд ерэхэ гэжэ багсаамжалагдана.
Мүрысөөн январиин 24-дэ үглөөнэй 10 сагта эхилхэ юм. Энэл үдэрэй 14 сагта мүрысөөнэй нээлгын баяр ёһолол эмхидхэгдэхэ.
