​Мэргэн буудагшад

Ородой суглуулагдамал командын бүридэлдэ оруулагдаһан Буряадай залуу гурбан тамиршан дүрбэн медаль Австрида болоһон сагаалса буудалгаар уласхоорондын мүрысөөндэ абажа шадаа.

«Meyton Cup» гэһэн мүрысөөн Австриин Инсбрук хотодо январиин 15-20-ой үдэрнүүдтэ эмхидхэгдээ.

Залуушуулай мүрысөөндэ винтовкоор буудалгада Анастасия Деревягина гурбадахи һуури эзэлээ. Мүн энэл наһанай бүлэгтэ пистоледээр буудадаг Александр Кондрашин хоёр медаль абажа шадаа. Нэн түрүүн тэрэ командна микст мүрысөөндэ алтан медаляар шагнагдаа. Буряадай тамиршантай хамта Эрхүү можын Надежда Колода буудаһан байна. Александр хубиин тоосоондо гурбадахи һуурида гараа.

Ехэшүүлэй дунда мүрысөөндэ һайн дүнгүүдые пистоледээр буудадаг Яна Енина харуулаа. Тэрэ хоёрдохи һуури эзэлээ.

Австрида Ородой тамиршад бүхы дээрээ 17 медаль абаһан байна. Мүнөө үедэ буудагшад Германи ошонхой, Мюнхен хотодо ээлжээтэ уласхоорондын мүрысөөн болохоор хараалагданхай.