882
2005-2006 онуудай хүбүүд, басагадай дунда Алас Дурнын тойрогой дзюдогоор мүрысөөн Владивосток хотодо февралиин 23-да түгэсэбэ.
Буряадай суглуулагдамал команда анха түрүүшынхиеэ Алас Дурнын федеральна тойрогой бүридэлдэ мүрысөөндэ хабаадаба. Командна мүрысөөндэ басагадшье, хүбүүдшье алтан медальнуудаар шагнагдажа, чемпионой нэрэ зэргэдэ хүртэбэ.
«Бэлэдхэлэй ажал һайнаар эмхидхэнхэйбди. Эдир тамиршад түрүүн аймагуудай, удаань уласай мүрысөөнүүдтэ хабаададаг юм. Тиигээд үхибүүдые суглуулжа, командаяа байгуулаад, һорилгонуудые үнгэргэнэбди. Энэ ажал аша үрэтэй байна, тиимэһээ үндэр шагналнуудта хүртэнэбди», - гэжэ Селенгинск һууринай тамирай һургуулиин һоригшо Амид Гянджиев суглуулагдамал командын амжалта тайлбарилба.
Буряад уласай спортын болон залуушуулай бодолгын талаар яаманай мэдээсэлэй албанай гэрэл зураг
