​​Хэниинь түрүүлхэб?

Facebook.com/Монгол бөх

Тулгар түрын* 2228 жэлэй, Ехэ Монгол Уласай 813 жэлэй, мүн Арадай хубисхалай 98 жэлэй ойн ехэ баяр наадан 7-дугаар һарын 11-13-ай үдэрнүүдтэ үнгэрхэнь.

Уласай Наадан бол­бол Монгол гүрэн түрын түүхын гурбан гол ша­тануудта зорюулагда­даг: Хүннү гүрэнэй (ма­най галабай үмэнэхи 220 ондо) байгуулагдаһан ой, Чингис хаанай Ехэ Мон­гол гүрэнэй (1206 ондо) байгуулагдаһан ой, Монгол Уласай бэеэ даанги байдал 1921 ондо зарлаһан Арадай хубисхалай ой.

Энэ ехэ удха шанартай үйлэ хэрэгүүдтэ Эрын гур­бан наадан зорюулагдана. Бүхэ барилдаанда ехэн­хидээ 512 хүн барилдана, харин Арадай хубисхалай тэгшэ ойн жэлнүүдтэ 1024 бүхэ барилдадаг. Нёдон­до уласай Нааданда Увс аймагһаа гарбалтай, уласай арсалан солотой Н. Батсу­урь түрүү һуури эзэлжэ, уласай абаргын солодо хүртөө һэн. Тэрэ юһэнэй дабаанда уласай абарга Ч. Санжаадамбын нюрга шо­ройдожо шадаа бшуу.

Харин мүнөө жэл хэн түрүүлхэнь гээшэб?

*Тулгар түрын гэхэ­дээ, монголшуудай анха түрүүшын гүрэн түрэ байгуулһан тухай хэлэгдэнэ