​Һунгамалнууд дэмжээ

Буряад Уласай Арадай Хуралай болон Улаан-Үдэ хотын һунгамалнуудай Соведэй туһаламжаар дартс нааданай мүрысөөн һаяхана эмхидхэгдэбэ.

- Манай уласта дартс хүгжэжэ эхилхэнь. Бидэ дартс нааданай федераци хоёр жэлэй саада тээ байгуулаабди. Энэ хугасаада иимэ томо мүрысөө үшөө эмхидхээгүй байгаабди. Хэды тиигэбэшье, манай тамиршад Улаан-Баатар, Шэтэ, Эрхүү хотонуудта ошожо, дүй дүршэлтэй болоо. Арадай Хуралай һунгамал Екатерина Цыренова, Улаан-Үдын һунгамалнууд Чимит Бальжинимаев, Вадим Бредний болон Сергей Бальжиров гэгшэд өөһэдынгөө шангуудые бэлдээ, - гэжэ мүрысөөнэй шүүгшэ Буда Будаев хөөрэнэ.

Түрүүшын шанга тулалдаануудта аяар 135 хүн оролсоһон байна. Һургуулиин үхибүүдэй дунда Мария Никанорова түрүүлжэ гараа. “Любители” гэһэн бүлэгтэ Намсарай Молонов нэгэдэхи һуури эзэлээ. Аха захатанай дунда Марина Нетюкина түрүүлээ.

Эгээл һонирхолтой нааданууд “Профессионалы” гэһэн бүлгэмдэ болоһониинь гайхалгүй. Буряад Уласай чемпион, Эрхүү хотодо регион хоорондын мүрысөөндэ шангай һуури эзэлһэн А.Трескин энэшье удаа хоёр дахин нэгэдэхи һуури эзэлээ. В.Гребенщикова болон М.Цыренжапова гэгшэд эхэнэрнүүдэй дунда чемпионууд болоо.

Дартсын федерациин зураг