Долоон хоног бүхэндэ мүрысэнэ

  Эмхидхэгшэдэй мэдүүлһээр, тус мүрысөөн 10 шатаһаа бүридэнэ. Июниин 20-һоо августын 23 болотор амаралта бүхэндэ нэгэ шата эмхидхэгдэнэ. Түгэсхэлэй шатада оройдоол эрхим 8 тамиршан оролсожо, хэниинь ямар медальда хүртэхэб гэжэ августын 30-да элирүүлэгдэхэ. Бүхы дээрээ мүрысөөн 8 бүлэгтэ үнгэргэгдэнэ.

Ород гүрэнэй можо хизаарну­удта коронавирустай холбоотой байдал адли бэшэ. Энээнһээ бо­ложо, тамиршаднай хүсэд һорилго гаража шаданагүй. Тиимэһээ түрүү харбаашад, илангаяа Ородой суглуулагдамал командын гэшүүд заал һаа тус мүрысөөндэ хабаада­ха ёһотой», - гэжэ Һур харбалгын бүхэроссиин федерациин мэдээсэл соо хэлэгдэнэ.

Классическа номо һуршаар 70 метр зайда харбагшадай дунда Соёлма Сыренова 3 шатада гурба дахин I һуури эзэлээд байна. Энэл бүлэгтэ залуу Номин Бальжинима­ева һайн дүнгүүдые харуулна. Тэрэ 2 дахин II һуурида гараа. 3-дахи ша­тада VII һуурида гарабашье, хамтын тоосоондо II һуурияа алдаагүй.

Блочно номо һуршаар 50 метр зайда харбалгада Татьяна Андри­евская болон Лхама Жабон гэгшэд нэгэ-нэгэ дахин III һуурида гараа. 3 шатын удаа хамтын тоосоондо Татьяна – III, Лхама IV һууринуудта ябана. Тус бүлэгтэ түрүү һуури дэл­хэйн чемпион, Калининградай мо­жын Наталья Авдеева эзэлнэ.

Ерэхэ амаралтын үдэртэ ээлжээтэ 4-дэхи шата үнгэргэгдэхэ