«Полицейский Дед Мороз» гэжэ нигүүлэсхы сэдьхэлэй заншалта болоһон хэмжээ ябуулга декабриин 20-һоо эхиеэ абаад, январиин 10 болотор үргэлжэлхэ юм. Иимэ үүсхэл Ород Уласай МВД гаргаад, бүхы орон дотор бэелүүлнэ. Манайшье сагдаанар энэ хэрэгтэ хам оролсобо.
Хэжэнгын эстрадна «Үетэн» бүлгэм байгуулагдаһаар байгша ондо 45 жэлэйнгээ ой угтана. Хүнэй наһа абажа харабал, 45-тайһаал аша үрэтэ ажал хэрэгүүдээ хүн эхилдэг гээшэ. Үнгэрһэн саг соо хэрэгтэй дүй дүршэл согсологдожо, арга шадабарияа дүүрэн бэелүүлхэ, бурханһаа үгтэһэн бэлигээ бултанда зорюулха саг тулан ерэжэ, ажабайдал гээшэ бурьялан бадардаг…
В уходящем году Тарбагатай стал лучшим аграрным районом республики. Официально: в номинации «Лучшее муниципальное образование» с наибольшим вкладом в увеличение продукции АПК в 2021 году.
Буряад Уласта адуу үсхэбэрилгэ онсо һуури эзэлдэг. Уласай бүхы ажахынуудаар хамта дээрээ 80 мянган толгой адуун тоологдоно. Тиин статистикын мэдээгээр, хүдөө ажахын энэ һалбаряар Яруунын, Захааминай, Хэжэнгын, Ахын аймагууд түрүүлнэ. Һаяын жэлнүүдтэ адууһанай тоо нэмэхэ шэнжэтэй болонхой. Юунһээ боложо үдэхэ шэнжэтэйб, адуушанай ажал хэр хүндэтэйб гэһэн асуудалнуудаар адуун ажахые һайн мэдэхэ Далай Галсановтай хөөрэлдөөн.
Д.Ц. Галсанов Яруунын “Үльдэргэ” СПК-да олон жэлдэ ажаллаһан, Буряад Уласай Хүдөө ажахын болон хоол хүнэһэнэй яаманда табан жэлэй туршада түшэмэл байһан юм, мүнөө тэрэ малай үүлтэр һайжаруулха талаар гүрэнэй албанай дарга.
Урин миһэрэлтэй, уян сэдьхэлтэй, урма зоригтой, урагшаа һанаатай, хойто жэл наян табанайнгаа дабаанда хүрэхэ Сэсэгма хээтэйе (хуулита дансануудайнгаа ёhoop Надежда Михайловна Баторова) үндэр наһатайшуулай һайндэртэ түрэлхид болон нүхэдынь, ойгоо угтаһан БГТРК-гайхид олондо мэдээсэл тараадаг хэрэгсэлнүүдэй системэдэ олон жэлдэ амжалтатай хүдэлһэнэйнь түлөө "Ветеран” гэжэ медаль зүүлгэжэ, халуунаар амаршалба.
Сэсэг шулуун дээрэшье ургаха. Эгээл тэрээн шэнги сэдхүүлшэн болохоёо багаһаа хүсэһэн үхибүүн хожом хойнодоо яагаадшье олондо мэдээсэлгын харгы руу харахал даа. Тэрэ эрмэлзэлыень оложо ба оножо шадаха багшанар бии. Тэдэ багшанарайл ашаар “Алтан гуурһан” гэжэ урилдаан жэлһээ жэлдэ эмхидхэгдэжэл байна. Эдир сэдхүүлшэдэй эблэлые толгойлогшо Людмила Доржиева үсэд нэтэрүү абаритай тула ноёд һайдые дайлан дахаһанай, багшанарые хүлгөөн хүдэлгэһэнэйнь ашаар энэ урилдаан “унтаршанагүй” гэжэ онсо тэмдэглэхэ хэрэгтэй. Мүнөө Буряад Уласай Болбосоролой болон эрдэм ухаанай яаманай “дали” доро оронхой, олон үхибүүдтэ “жэгүүр” олгуулхаар зоринхой.
Хүндэтэйшье hаа, харюусалгатай ажал
ХХ Улзытуев арадай аман зохёолые, юрын зоной баялиг хэлые, үндэhэн болон бүхэдэлхэйн арадуудай поэзи hайса мэдэдэг дээрэhээ түрэл поэзидэ шэнэ онол арга, уран үгын шэнэ алта оруулжа шадаа.
Жэшээнь хэлэбэл, богонихон шэбшэлгэ мүрнүүд соогоо буряадай сэсэн үгын айхабтар ехэ гүн удхые, хүнэй сэдьхэлэй доторой байдал харуулха уран арга оруулжа шадаhан байна гэжэ гэршэлхэ хэрэгтэй. Уран бэлигэй хүсөөр угалзатан гараhан мүрнүүд шүлэг бүхэндэнь элбэг. Уран зохёолшын ажал гээшэ тон хүндэтэйшье hаа, ехэ харюусалгатай гэжэ Д. Улзытуев hайн ойлгодог байhан, тэрээн тухай ганса бэшэ хэлэhэншье юм.
Буряадай гүрэнэй телевидени байгуулагдаһаар байгша 2021 ондо 60 жэл гүйсэбэ. Хада уулатай Түнхэнэй аймагай Тооро нютагһаа гарбалтай Светлана Шобоева эндэ 17 жэлэй туршада таһалгаряагүй хүдэлнэ. Светлана Самбуевна үдэр бүри мэдээсэлэй дамжуулгануудые бэлдэхын хажуугаар һонирхолтой теле-дамжуулгануудые бэлдэжэ гаргадаг юм. Светлана Шобоевае мэдэхэгүй харагшад үсөөхэн лэ байха. Буряадай телевидениин «одонтой» хөөрэлдөөн - танай анхаралда.
Һаяхана Буряад Уласай Хүдөө ажахын яаманай сайд Галсан Дареев түрүүтэй Буряадаймнай бүлэг малшад ажалайнгаа хэрэгээр Удмурт Улас, мүн Новосибирскын хизаар хүрэжэ ерэһэн байна. Буряадай малшад холын нютагаар аяншалхадаа, тэндэхи ажахынуудай түрүү онол аргануудые халан абаха, ажалдаа хэрэгтэй шэнэ юумэ олохо гэһэн зорилготой ябаа. Тус бүлэгтэ Буряадаймнай дүршэлтэй малшадтай суг һая эхилжэ байһан хүдөө ажалшад оролсоһон байна. Түрүүшүүлэй дүршэл халан абажа ерэһэн малшаднай һү үйлэдбэрилдэг һалбарида ажалладаг юм гэжэ тэмдэглэнэбди.
Буряадай эгээл суутай барилдаашан Борис Будаев нэрэтэ мүрысөөгөө өөрын һоригшо Валерий Николаевич Ивановой 75 жэлэй ойн баяртай дашарамдуулаа.
Хурамхаанай аймагай Элһэн һууринай номой санда аарса бэлдэжэ һургаба. Номой сангай захирал Жанна Маланова нютагайнгаа һургуулиин хүүгэдые суглуулжа, аарса тухай хөөрэжэ үгөөд, амтатайхан ундаар хүндэлхэ гэжэ шиидэһэн байха юм.
Буряадай гүрэнэй ехэ һургуули багшын шэглэлээр һураха оюутадай тоо нэмэбэ. Тиин 50 оюутад түлбэригүйгөөр һурахаһаа гадна, һара бүри 3 мянган түхэригэй стипенди абажа байхаар түсэблэгдэнэ.
Ивалгын аймагай Сотниково һууринда сошордомо үйлэ болобо. Үнгэрэгшэ амаралтын үдэр нэгэ гэрэй хорёо дотор наһа бараһан хүнэй бэе олдобо.
Наталия Санжеева, ниитын ажал ябуулагша - байгаали хамгаалагша, Японой Токио хото
Хүн бүхэнэй ажаябадал, энэ наһан соогоо туйлаһан амжалта, үйлэдэһэн буянта хэрэгүүдынь түрэһэн тоонто нютагһаань, эхэ эсэгэһээ, уг гарбалһаань эхитэй байдагынь яаха аргагүй зүб юм лэ даа. Энэ ушарые “Буряад үнэн” сониноймнай үнгэрэгшэ үедэ ажаллаһан эгээл бэлигтэй бэрхэ сэдхүүлшэдэй нэгэн - Бата-Мүнхэ Жигжитович ЖИГЖИТОВЭЙ намтарынь тодо хурсаар гэршэлдэг.
Хэблэлэй байшангай 3-дахи дабхар. Нээлтэтэй сонхоор уляангирай һэрхигэр хүбэн ниидэн ороно. «Үнэнэй» коридор соо Далай Шагдарович томо гэгшын аягаар уурал бааяһан сай һорон-һорон, һүрэг залуушуулай нэгэндэ заабари үгэхэ һамбаандаа нүгөөдыень шогложорхёод, хэнһээшье ехээр өөрөө эльгэ хатан саашалшана. Секретариат соо Бадмажаб Валерьевич ехэл томоотой хэбэр үзүүлэн, столойнгоо саана һуунхай, саарһа гуурһа онгилно. Саб сагаан самсатай, гартаа хамсыбша углаһан Владимир Цырендоржиевич сонинойнгоо ээлжээтэ дугаарай хэб зурана. 59-дэхи танхим соо энеэбхилһэн түхэреэн шарайтай Ешигма Цымжитовна: «Манда ажалда ороно гшуу?» - гэжэ нариихан шэнгэхэн хоолойгоор агынхяараа асуугаад, үшөө олон юумэ мүшхэнэ... Тиихэдэ газаамнай 1998 оной июль һара байгаа.
100 жэлэй хугасаа соо “Буряад үнэн” сониндо хэды олон зон ажаллажа гарааб даа. Мэдээжэ уран зохёолшод, поэдүүд, ниитын ажал ябуулагшад, политигууд, юрэдөө тоолохын аргагүй. Бидэ мүнөө сагта хүдэлжэ байһан, мүн хүдэлөөд туршаһан зон “Буряад үнэнтэй” яагаад хуби заяагаа ниилүүлһэн тухайнь һурагшалбабди.
«Буряад үнэн» сониной тэбхэр 100 жэлэй ойн баяртай дашарамдуулан, аха үеын хүндэтэй сэдхүүлшэд тухай зураглалнуудые бэлдэнэбди. Түрэл сониндоо 33 жэлэй туршада таһалгаряагүй хүдэлжэ гараһан Бэлигма Доржиевна Орбодоева тухай мүнөө дуулгахамнай. Эды олон жэлэй туршада соёл уралигай һүүлэй һонин, мэдээжэ зүжэгшэд болон уран бэшээшэд тухай һонирхол татамаар бэшэжэ, олондо дуулгадаг сэдхүүлшэнээр ажаллаһан ха юм.
Буряадай уран зохёолшо Анна Виноградова Буряад Уласай «Книга года- 2021» гэһэн урилдаанай тусхай шангай лауреат болобо. Тэрэ «Анга-тэнгэриин дуһал» гэжэ хүүгэдтэ зорюулагдаһан онтохо бэшэжэ дурадхаһан байна.