Буряадтаа мэдээжэ эмшэн-хирург Еши Нянюевич Цыбиков байгша оной январь һарада бурханай орондо мордоо һэн. Эмшэдэй мэргэжэлтэ һайндэрэй урдахана, июниин 15-да Уласай эмнэлгын газарай хирургиин байшанда мэдээжэ эмшэнэй дурасхаалда зорюулагдаһан самбар нээгдээ. Яруунын аймагһаа гарбалтай бэлигтэй хирург нэрээ саарһан дээрэ, мүрөө саһан дээрэ үлөөгөө. Хэды олон мянгаад зониие аргалжа, эмнэжэ, хүл дээрэнь табиһан тухайнь суг ажаллаһан нүхэдынь, түрэлхидынь дурсан хэлэнэ һэн.
Захааминай аймагай байгуулагдаһаар 95 жэлэй ойдо
Зүлгэ ногоон Мойһотодо
Зон зургаанай зориг,
Эрмэлзэл, бэлиг элирүүлбэл,
Хүндэмүүшэ хадата Захаамин.
(Галина РИНЧИНОВА)
Июниин 11-дэ Буряадай Толгойлогшо Алексей Цыденов Захааминай аймагай байгуулагдаһаар 95 жэлэй ойдо зорюулагдаһан хэмжээ ябуулгануудые аймагай Сурхарбаан дээрэ нээгээ гэжэ урда дугаартаа мэдээсээ һэмди. Энэ ехэ жабхаланта найр нааданда хабаадалсаһан хүнүүдэй һанамжануудые мүнөө уншагшадтаа дурадханабди.
Июниин 18-да Буряадта түүхэтэ ушар болоо. Уласай онкодиспансертэ хирургиин нэмэлтэ таһаг баярай оршондо нээгдэбэ. Манай гүрэнэй Юрэнхылэгшэ Владимир Путин онлайн аргаар тус байшан нээһэн байна. Россиин Засагай газарай Түрүүлэгшын орлогшо Татьяна Голикова болон элүүрые хамгаалгын сайд Михаил Мурашко хоёр нээлгэндэ оролсоо.
Үндэр хэмжээндэ олоной хабаадалгатайгаар зулгы зунай Сурхарбаан Түнхэнэй аймагта үнгэргэгдэбэ. Нааданай үедэ олон тоото нютагаархид үнэтэ бэлэгүүдтэ хүртэһэн байна.
Байгал далайн эгээл ехэ олтирог Ойхон хүрэтэр үдэр бүри агаарай онгосо ниидэдэг болохонь. Энэ ушараар аяншалагшадай тоо олошорхо байха.
Июниин 20-һоо Буряадай дээдэ һургуулинуудта дансануудые абалгын үе эхилээ.
Буряадаймнай ниислэл Улаан-Үдэ хото июниин 18-да 356 жэлэйнгээ ойн баяр үргэн дэлисэтэйгээр тэмдэглэбэ. Хотын түб талмай дээрэ «Улан-Удэ - ты моё вдохновение» гэһэн зүжэглэмэл наадаар тус һайндэр эхиеэ абаа. Удаань хотын элдэб эмхи зургаануудта хүдэлмэрилдэг ажалшадай жагсаал эмхидхэгдээ. Энэ жагсаалда хабаадаһан зоной тоо 10 мянганһаа дээшэ байгаа гэжэ мэргэжэлтэд тэмдэглэнэ. Урдаа хараха үбгэн буурал болоһон аха захатан, эдир жаахан хүүгэд, тамиршад, эмшэд, багшанар, оюутад, залуушуул, томо-томо үйлэдбэриин ажалшад эндэ нэгэдэжэ, Улаан-Үдэ хотынгоо түрэһэн үдэртэ хүрэжэ ерэһэндээ, тон ехэ баяртайнууд байгаа һэн.
Светлана Чойжинимаевагай хэлэhээр, Орос гүрэндэ түбэд эмнэлгэ XVII зуун жэлhээ дэлгэрhэн.
Бүхэ Баатар гээшэ Тарбагатайн аймагта оршодог шулуун хабсагай юм.
«Байгал» гэһэн аяншалга-мэдээсэлгын түбэй мэргэжэлтэд Буряадай туроператорнуудые Хурамхаанай аймагаар ябуулаа.
"Буряад хэлэн – минии түрэлхи хэлэн” гэжэ тоолодог буряадуудай тоо 30 жэлэй туршада 30% доошоо ороо. Буряад хэлэнэй байдал тухай һонирхолтой тоо баримтануудые эрдэмтэн Дамдин Бадараев дурадхана.
Багдарин һууринай «Даши Даржаалин» дасанай хорёо соо Витимэй ойн ажахын мэргэжэлтэд ба «Лесовичок» гэһэн үхибүүдэй бүлгэмэй гэшүүд «Дурасхаалай сэсэрлиг» гэһэн уласхоорондын хүдэлөөнэй хэмжээндэ шэнэһэ, хуһа ба долоогоно тариба.
1957 он. Июль hарын эхеэр зунай зулгы hайхан наратай сэлмэг үдэр Хурамхаанай аймагай Калининай нэрэмжэтэ колхозой Хоёр Аргатын дунда гэжэ нэрэтэй газарта, тэндэхи hү hаалиин фермын дэргэдэ зунай Сурхарбаанай найр наадан захалба. Буряад арадай эртэ урда сагhаа абажа ерэhэн Сурхарбаан Баргажан голой тала дайдаар үни сагай болоогүй байhан аад, Эсэгэ ороноо хамгаалгын Агууехэ дайнай хойто тээ анха түрүүшынхиеэ эмхидхэгдэжэ, хүн зон ехэ олоор сугларhан байгаа. Бүхэ барилдаан, номо годлёор hур харбаан хүхюутэй зугаатайгаар үнгэрөөд, hүүлдэнь табан модоной зайда мори урилдаан болобо. Мори урилдаан хододоо зоной анхарал татан, ехээр hонирхуулдаг гээшэ.
Эрдэмтэн, конструктор, техническэ эрдэмэй доктор, эрдэм шэнжэлэлгын ба техникын талаар СССР-эй Гүрэнэй шангай лауреат, Оросой Холбоото Уласай эрдэм ухаанай габьяата хүдэлмэрилэгшэ, генерал-майор Або Шаракшанайн түрэһөөр зуун жэлэй ойн баярта зорюулагдаһан хэмжээ ябуулга олоной һонирхол татаба. Түрэһэн Алайр нютагтань суута хүбүүндээ зорюулжа, хүшөө нээбэ.
Хүн хадаа наhатай болоходоо, хаанашье яба, хаанашье ажаhуу - хүнтэй нүхэсэнгүй, харилсангүй байжа шададаггүй. Сугларжа шэнэ hониноо хэлсэжэ, элдэбын гоё хэмжээ ябуулгануудые эмхидхэе гэhэн дурадхал модельнэ номой сангай ажалшад оруулжа, «Тоонто» ветерануудай клуб нээбэ.
Июниин 20-һоо 26 болотор Ивалгын аймагта Евразиин хуушанай хотонуудай уласхоорондын I шуулганай хэмжээндэ тус фестиваль эмхидхэгдэхэ.
Хүдөө ажахын hалбари хэр хүгжэнэб, огородой эдеэ ургуулагшад ямар бэрхэшээлнүүдтэй дайралданаб, загаhа үдхэдэг зон ямар арга туhада хүртэхэ аргатайб? Буряад Уласай Арадай Хуралай hунгамалнууд Сэлэнгын аймагаар ябажа, тус асуудалнуудаар харюу бэдэрбэ.
Эрхүү можын Усть-Ордын тойрогто гар урлалай фестиваль үнгэрхэнь. Фестиваль байгша һарын 17-18-да Эхирэд-Булагадай аймагай Усть-Орда нютагта үнгэрхэ юм байна. Тэндэ Буряадһаа Түнхэнэй аймагай, Агын тойрогой, Эрхүү можын түлөөлэгшэд ошохо. Фестивалиин һүлдэ тэмдэг – хэрмэн.
Буряадай Толгойлогшын дэргэдэхи Эрдэмэй ба шэнэ зүйл нэбтэрүүлгын зүблэлэй суглаанда түлигдэһэнһөө үлэһэн үнэһэ нүүрһэ үшөө дахин ашагтайгаар хэрэглэхэ түлэбүүдые эрдэмтэд дурадхаа. Эрдэмтэдэй хэлэһээр, түмэр ба бетон хэрэгсэлнүүдые бүтээлгэдэ, харгы заһабарилгада, мүн барилгын ажалнуудта үлэгдэлнүүдые ашагтайгаар хэрэглэжэ болохо.
Бэшүүрэй аймагай хоёр нютагта эмнэлгын байшангууд баригдажа, ашаглалда тушаагдаба. Нээлгын баяр ёһололдо Бэшүүрэй аймагай арад зон, мүн Арадай Хуралай Түрүүлэгшэ Владимир Анатольевич Павлов хабаадаа.