Улаан-Үдэ хотодо гэр байрын сэн амаргүй дээшэлээ гэһэн гомдолнууд Интернедтэ ябана. Жэшээнь:
- Нэгэ таһалгатай болбосон түхэлэй гэр 3 сая түхэригһөө дээшэ сэнгээр худалдагдана гэһэн соносхол байна. Эгээл энэ гэр хахад жэлэй урда тээ 2 – 2,5 сая түхэригтэ байгаа, харин мүнөө сэнгынь «тэнгэридэ хүрэтэр» ургабал. Иимэ үнэтэйгөөр Улаан-Үдэдэ гэр абанхаар, Москва, Санкт-Петербург хотонуудта абабал һураггүй дээрэ, - гэһэн удхатай бэшэгүүд дүүрэн эбхэрээ.
Мелькомбинадай Залесная гудамжаар ажаһуугшад зайн гал ходо таһалдана гэжэ Алексей Цыденовтэ хандаһан байна.
Мүнөө үеын «Залуу» гэһэн соёлой түбэй дэргэдэ түрүүшын үмсын номой сан ажалаа ябуулжа эхилбэ. Тус номой сан Елена Калашникова, Екатерина Савицкая болон Диана Рудакова гэгшэд нэгэдэжэ байгуулба.
Түнхэнэй аймагай Толто һууринай байшан гэрнүүд газар дороһоо гараһан уһанда абтажа эхилээ гэжэ Буряад Уласай Түнхэнэй аймагай захиргаан мэдээсэнэ.
2022 он Ород гүрэн дотор ажаһуудаг олон тоото арадуудай соёл урлалай, ёһо заншалай, сэгнэшэгүй баялигуудай жэл гээд нэрлэгдээ. Энээн тухай хуули доро Ородой Юрэнхылэгшэ Владимир Владимирович Путин Шэнэ жэлэй урдахана гараа табиһан байна. Үшөө 2019 оной эсэстэ тус шиидхэбэри абтаһан юм. - Үндэһэн хуулиин ёһоор Ород гүрэндэ олон тоото арадууд ажаһуудаг. Манай дэбисхэр дээрэ 190 гаран үндэһэ яһатан тоолог доно. Арад бүхэн өөрын хэлэтэй, түүхэтэй, соёл урлалтай гээшэ. Эдэ баялигуудые наринаар сахи жа, ургажа ябаа залуу халаандаа дамжуулха үүргэтэйбди, - гэжэ Владимир Путин тэмдэглэнэ. Буряад Уластамнай ажаһуудаг арадууд үсөөн бэшэ. Энэ жэл ямараар эмхидхэгдэхэб, нэн түрүүн ямар баялигуудые хам гаалхаб гэхэ мэтэ асуудалнуудые табижа һонирхобобди.
2022 ондо Улаан-Үдэ хотын һургуулинуудта 100 сая түхэригэй шэнэ тоног түхеэрэмжэ абтаха болобо.
Буряадаймнай эдир сэдхүүлшэдэй эблэлэйхид Казань хотодо «Волжские встречи» гэһэн уулзалгада амжалтатай хабаадаад, гэртээ бусаба. Аяар 32-дохи жэлээ үнгэргэгдэжэ байһан тус фестивальда манай уласай эдир сэдхүүлшэд эхинһээнь хойшо таһалгаряагүй хабаададаг заншалтай.
2022 он яһала шэрүүнээр орожо ерэбэ. Ази түбиин эгээл томо гүрэнүүдэй нэгэн Казахстан Уласта амаргүй ехэ үймөөн боложо байна.
Хүршэ Эрхүү можодомнай хорото омикрон-штамм гэһэн муухай үбшэндэ нэрбэгдэһэн хүнүүд элирүүлэгдэжэ эхилээ.
Шэнэ жэлэй түрүүшын үдэрнүүдтэ Буряад орон дотор сошордомо мэдээсэл тараба.
Буряадай АССР-эй соёлой габьяата хүдэлмэрилэгшэ, Коммунис партиин гэшүүн ябаһан Долхонова Эмма Заяхаевна урагшаа һанаатай, эсэхэ сусахые мэдэхэгүй, сүлөөтэй һуудаггүй хүн гээшэ. 78-тай Эмма Заяхаевна һонор ухаатай, тойроод байһан зондоо харгыень гэрэлтүүлэн ябадаг даа. Тэрэ «Дайнай үхибүүд» гэһэн эмхи байгуулһан юм. Эмма Долхонова - олон номуудай автор. Дайнай үхибүүд тухай номынь эндэ һая нара хараба.
Байгша оной декабриин 21-дэ бүгэдэ Буряадаймнай үндэһэн сонин 100 жэлэйнгээ ойн баяр тэмдэглэбэ. «Буряад үнэнэй» эгээл түрүүшын дугаар тэбхэр 100 жэлэй саана энэл үдэр нара хараһан байна, тиимэһээ Буряад орон дотор хэблэгдэжэ байдаг эгээл урданай сонин болоно гээшэ. Үнгэрһэн энэ хугасаада тэрэ һүүлэй мэдээсэлнүүдээр болон һонирхолтой зураглалнуудаар үнэн уншагшадаа танилсуулжа ябаа, ябанашье. Эды олон жэлдэ хэды олон сэдхүүлшэд, уран зохёолшод «Буряад үнэн» сониной хуудаһануудта хэблэгдэжэ, уран гуурһаяа хурсадхааб, мэргэжэлээ дээшэлүүлээб даа?
Буряад Уласта хоёр гол дээгүүр мүльһэтэ харгы нээгдээ.
Олон жэлэй туршада Ивалгын дасанда һурагшадай хоорондо «Эхэ хэлэн - манай баялиг» гэһэн наадан үнгэргэгдэдэг гээшэ. Харамтайнь гэхэдэ, халдабарита ковид үбшэнһөө боложо, уласай аймагуудай һургуулинуудай һурагшад Буддын шажанай «Даша Чойхорлин» дээдэ һургуулиин байшан соо сугларжа, урилдахаяа болинхой, гансал онлайн аргаар хабаадаха баатай. Декабрь һарада, шэнэ жэлэй урдахана, 43-дахи «Эхэ хэлэн - манай баялиг» наадан үнгэрөө.
Баргажанай аймагай Соёл нютагай малшан Митап АЮШЕЕВ үхэр малаа олон болгохо зорилгоор грантда хүртэһэн байна. Гүрэнэй үгэһэн мүнгэн тэдхэмжэнь тэрээндэ хэр ехэ туһа болобо гээшэб, малшан хүнэй бизнес хэр ашагтайб гэһэн сэдэбээр хөөрэлдөөн.
Буряадай мэдээжэ оршуулагша, уран зохёолшо, хэблэлэй хүдэлмэрилэгшэ Балдан Санжинай түрэһөөр 110 жэлэй ойдо
Балдан Санжиевич Санжин буряадай элитэ уран зохёолшо, габьяа солотой үндэр нэрэтэ багша, буряад хэлэнэй учебнигүүдэй автор, оршуулагша, номой редактор ябаһан намтартай хүн гээшэ.
Аяар 30 жэлэй туршада Ахын аймагта һуралсалай шэнэ гуламта бодхоогдоогүй байгаа. Аймагай засаг дарга Матвей Мадасовай мэдээсэһээр, 30 жэлэй саана Бүрэнголой һургуули баригдаа һэн. Үнгэржэ байгаа 2021 ондо Өөрлиг һууринда 360 һууритай һургуулиин байшан баригдажа эхилээ.
110 жэлэй үмэнэ бэеэ дааһан Монгол Улас байгуулагдаба гэжэ дэлхэйдэ мэдүүлээ бэлэй
Һаяхана Захааминай аймагай түб хотодо «Мой бизнес - моё дело» гэһэн хуралдаан үнгэргэгдэбэ. Энэ хуралдаан «Доброе руно» гэһэн түсэлэй гаршаг доро эмхидхэгдээ. Юрэнхылэгшын грантын ашаар Хамни нютагай «Спортивная» гэһэн өөһэдын хүтэлбэриин эмхи энэ хэрэг бэелүүлнэ.
Декабриин 25-да Хориин аймагта эмнэлгын түб байшан ехэ заһабарилгын һүүлээр баярай оршондо нээгдэбэ. Тус эмнэлгын байшан 1967 ондо баригдаһаар лэ, заһабарилгада ороогүй байгаа. Досоо талаһаа һэльбэн шэнэлэгдэжэ һэргэһэн эмнэлгын газар сагай эрилтэдэ таарама шэнэ оньһон хэрэгсэлнүүдээр хангагдаба. Эндэ дүн хамта 41 сая түхэриг гаргашалагдаа. Энэл үдэр хорёо соонь дуганай бүмбэ нюугдаа. Анаагай дасанай ламанар энэ хэрэг бүтээһэн байна.