«Буряад орондо бүтээгдээ» гэһэн үзэсхэлэн ВЭФ-2022 хуралдаанай үедэ Алас Дурнын Гудамжада дэлгэгдээ. Республикын 30 үйлэдбэрилэгшэд болон урашуул 500-һаа үлүү зүйлнүүдые олоной һонорто табиһан байха юм. Алас Дурнын ба Арктикын хүгжэлтын сайд Алексей Чекунков павильондо ерэжэ, үзэмжэтэй танилсаа.
Буряадай компанинууд Бүхэроссиин «Жэлэй экспортёр» урилдаанай тойрогой шатада шангай 11 һуури эзэлээ.
Буряадай түлөөлэгшэд ниигэмэй һалбариин асуудалнуудые Зүүн зүгэй экономическа хуралдаанай хоёрдохи үдэртэ зүбшэн хэлсээ, мүн баһа харилсаануудые тогтоолгын хэдэн хэлсээнүүдые баталаа. Алас Дурнын тойрогто аяншалга хүгжөөлгын панельнэ сессинүүдтэ, Россиин Тамирай яаманай павильоной нээлгэдэ хабаадаа. Буряад орондо интерактивна талмайнуудые байгуулха талаар хэлсээн эндэ баталагдаа.
Үнгэрһэн долоон хоногой эсэстэ Буряадай ниислэлэй ажаһуугшад үбэлдөө бэлдэжэ, хүдөө ажахын хүдэлмэрилэгшэдэй һайн шанартай эдеэ хоол ехээр худалдажа абаад, “амбаартаа” хээ. Улаан-Үдын Зүблэлэй гол талмай дээрэ “Своё” гэжэ нэрэтэй үзэсхэлэн-яармагта бүхы аймагуудай 75 ажахы хабаадаа. Тэдэнэй 11-иинь “Бренды Бурятии” гэһэн урилдаанда ороһон байна.
Сентябриин 11-дэ Росси дотор һунгалтын нэгэдэмэл үдэр. Энэ үдэр Буряад Уласта Толгойлогшые, Сэлэнгын аймагай захиргаанай гулваае, Кабанскын аймагай депутадуудые, мүн Улаан-Үдэ хотын Зүблөөнэй депутадуудые һунгаһан байна.
Гомбо Цыдынжаповай нэрэмжэтэ Буряадай гүрэнэй Дүүриин болон бүжэгэй театр ээлжээтэ 83-дахи театральна хаһаяа Маркиан Фролов Намжил Балдано хоёрой бүтээһэн Буряадай эгээн түрүүшын "Энхэ-Булат баатар" опероор нээгдээ. Мүн тиихэдэ оперо Россиин габьяата зүжэгшэд Болот Бороев ба Сурэна Дашицыренова хоёрой мүнхэ дурасхаалда зорюулагдаһан байна.
Усть-Ордын Буряадай тойрогой байгуулагдаһаар 85 жэлэй ойдо зорюулагдаһан планшетнэ үзэсхэлэн Эрхүүгэй Хизаар ороноо шэнжэлэлгын музейдэ нээгдэбэ.
Байгша оной августын эсэстэ Монголой мэдээжэ уран зохёолшо Батын Нямаагай «Арандалайхин» гэжэ роман буряад хэлэн дээрэ Монгол Уласай «Сэлэнгэ-Пресс» хэблэлдэ гурбан зуун хэһэгээр 672 хуудаһатай зузаахан ном боложо гараба. Улас түрын «Бэлиг» түбэй Гүрэнэй оршуулгын албанай ахамад мэргэжэлтэн – Буряадтаа, Орос гүрэндөө, Монголдо мэдээжэ уран зохёолшо, оршуулагша, Оросой габьяата зүжэгшэн Доржо Норбосампилович Сультимов энэ зохёол монгол хэлэнһээ буряадта оршуулаа юм.
Шэтын областиин Архирээ hууринай Будын Базарханда Эсэгэ ороноо хамгаалгын Агууехэ дайнда түлэг болбосоронги наhандаа мордоhон бэлэй.
Түрэл буряад хэлэнэйнгээ мартагдажа, түүхын хуудаһан болоод үлэхэгүйнь тулада олон тоото хэмжээ ябуулганууд, түсэлнүүд бэелүүлэгдэдэг. Байгша онһоо 1-дэхи ангиһаа эхилжэ, үхибүүд аялгата һайхан буряад хэлэеэ үзэхэ арга боломжотой болобо. Анхандаа һурагшад 2-дохи ангиһаа түрэл хэлэеэ үзэдэг байһан юм гэжэ һануулая.
Буряадай Толгойлогшо албанай хэрэгээр Сэлэнгын аймагаар ябахадаа, 2021 ондо 280 жэлтэй болоһон Тамчын дасан хүрөө. Хорон хамшаг үбшэндэ эсэргүү хорилтонуудһаа боложо, ойн баярай бүхы хэмжээ ябуулганууд 2022 он болотор хойшолуулагдаһан байна.
Ород гүрэн дотор федеральна түхэлэй ори ганса хүүхэлдэйн театр Буряадай ниислэлдэ ерэжэ, зүжэгүүдээ харуулхань. Сергей Образцовой нэрэмжэтэ хүүхэлдэйн театр бүтээлнүүдээрээ Улаан-Үдын бага харагшадые сентябриин 25-28-ай үдэрнүүдтэ баясуулха.
Буряад ороной Толгойлогшо албанайнгаа хэрэгээр Сэлэнгын аймагаар ябахадаа, Буряадай АССР-эй габьяата шахтёр Валерий Спиридонович Можаровайда айлшалаа.
Буряад Уласай футбол наадагшад бүхэроссиин хэдэн мүрысөөнүүдтэ яһала үрэ дүнтэйгөөр хабаадана.
Хоёрдохи бүхэдэлхэйн дайнай дүүрэһэн дурасхаалта үдэртэй дашарамдуулан, амгалан тайбанай түлөө алдалан унагшадые хүндэлэн ёһололгын митинг Улаан-Үдэдэ үнгэрөө. Тэрээндэ Буряадай Засагай газарай гэшүүд, Арадай Хуралай һунгамалнууд, хотын захиргаанай түлөөлэгшэд, сэрэгэй 36-дахи армиин сэрэгшэд, республикын байгууламжанууд ба Улаан-Үдын ажаһуугшад хабаадаа.
Сентябриин 3-да Буряадай Толгойлогшо Алексей Цыденов шэнэ машинануудай түлхюурнүүдые жолоошодто барюулаа.
Ород Уласай Байгаалиин яаманайхид 2022 оной дүүрэтэр хуша модоной һамарай худалдаа наймаа онсо хараада абахамнай гэжэ дуулгаба.
Буряадай Арадай Хуралай депутат Оксана Васильевна Бухольцева Донецкын Арадай Республикада физикын багшаар ажаллахаяа ошоо һэн гэжэ мэдээжэ.
Үшөө харуулха
