Хэжэнгын аймаг бүхы Буряад ороной спортын нэгэ талмай болоод үгэбэ. Июлиин 5-9-эй үдэрнүүдтэ эндэ Хүдөөгэй спортын нааданууд наярба. Уридшалан хэлэбэл, командна тоосоондо Сэлэнгын аймагай тамиршад түрүү һуурида гаража, 400 мянган түхэриг гол шанда хүртэһэн байна. Нааданай талмайн эзэд болон заха холын Захааминай түлөөлэгшэд шангай һууринуудта гараа гээд хэлэлтэй.
Бүгэдэ Буряадай һургуулинууд хоорондын «Эхэ хэлэн – манай баялиг» наадамда эдэбхитэй оролсодог 33 үхибүүд байгша оной июниин 18-25-ай үдэрнүүдтэ Сэлэнгын, Зэдын аймагуудаар аяншалаад ерэбэ
Буряад орондо бага ба дунда олзын хэрэг эрхилэгшэдтэ гүрэнэй дэмжэлгын шэнэ хэмжээнүүд абтаба. Тиин шэнэ түхеэрэлгэнүүдые абахада, гаргашынь зарим хубиие хүсэлдүүлхэ мүнгэн туһаламжа үзүүлэгдэхэ юм.
Буряад Уласай Толгойлогшо Алексей Цыденовэй захиралтаар республикын нөөсэ жасаһаа нэмэлтэ мүнгэн зөөри ой тайга түймэрнүүдһээ хамгаалгада шэглүүлэгдээ.
Зүүн Сибириин гүрэнэй технологи ба хүтэлбэриин ехэ һургуулиин 60 жэлэй ойдо зорюулагдаһан баярай суглаан Буряадай Оперо болон баледэй театр соо үнгэрөө. Буряадай ба Монголой эрдэмэй олониитэ ехэ һургуулиин ветерануудые, эрдэмтэ багшанарые, оюутадые болон эндэ һурахаяа ерэгшэдые амаршалаа.
Түнхэнэй аймагай Туран һууринай шарай эгсэ һайжараа гэжэ нютагай ажаһуугшад, эндэһээ уг гарбалтайшуул тэмдэглэнэ. Аша үрэ ехэтэйгээр хүдэлжэ байһан “Туранский” ТОС 2021 оной дүнгөөр Буряад Уласта түрүүлжэ, 200 мянган түхэригөөр урмашуулагдаа. Гэхэтэй хамта, һаяхана тус ТОС-ой хүтэлбэрилэгшэ Василий Дугарович Гескеев “Түнхэнэй аймагай хүндэтэ эрхэтэн” гэһэн нэрэ зэргэдэ хүртөө.
«БИДЭ» гэһэн видео-буулгабаринуудай Бүхэроссиин урилдаанда хабаадаха мэдүүлгэнүүд августын 31 болотор абтаха.
Россиин габьяата зүжэгшэн Елена Шараевагай түрэhөөр 60 жэлэй ойдо зорюулагдаhан «Елена Шараева. Единство таланта и красоты» гэhэн баримтата фильм интернет сүлжээндэ олон мянган харагшадай анхарал татажа байна.
Түрэл Түнхэн дайдынь адис хэшэг, баабай иибиин заяаhан бэлиг, һуралсал хүмүүжэлэйнь һайхан ёһо заншал, өөрын аза талаан, зон олоной үргэмжэ, сухаришагүй эрмэлзэл зориг, эсэбэритэй, тэсэмгэй ехэ ажал - эдэ бүгэдэ Елена Шараевагай хуби заяанда ушараа, гайхамаар бэлигэйнь һалбаран хүгжэхэдэ нүлөөлөө гэжэ энэ фильм соо харуулагдана.
Уласай Шатарай федераци һонирхолтой хэмжээ ябуулга хирэ-хирэ болоод лэ үнгэргэжэ байдаг. Июлиин 3-да шатаршад буряад үндэһэн хубсаһа үмдэжэ, мүрысөөндэ хабаадаа.
Байгаали хамгаалгын болон аяншалга хүгжөөлгын уласай түб Буряадай Засагай газарай, “Бурприрода” эмхиин дэмжэлгээр Байгал далай дээрэ онсо харууһалгатай талмайнуудта нобшо ноохой суглуулха ажал ябуулна.
Буряад орондо даам наадалгые үндэр хэмжээндэ гаргажа шадаһан мэдээжэ һоригшо Феликс Александрович Завелинскиин мүнхэ дурасхаалда зорюулагдаһан бүхэроссиин мүрысөөн үнгэрһэн долоон хоногто болобо.
Буряад Уласай Арадай Хуралай Түрүүлэгшэ Владимир Павлов олондо мэдээсэл тараадаг эмхинүүдэй түлөөлэгшэдтэ ээлжээтэ 24-дэхи сесси дээрэ зүбшэгдэhэн асуудалнууд тухай дэлгэрэнгыгээр хөөрэжэ үгэбэ.
Гурбан үдэрэй туршада Буряадай ниислэл Алас Дурна зүгэй дархашуулые угтан абаба. Анха түрүүшынхиеэ болоһон “Содружество дарханов” гэһэн хуралдаанда уран гартан уулзажа, дүй дүршэлөөрөө хубаалдаа, бэрхэшээлнүүдээ хэлсээ.
Буряад Уласта “элүүр” нютагууд олон боложол байна. Сэлэнгын аймагай Ехэ-Цагаан нютаг үшөө нэгэ “найдалай олтирог” болобо.
Буряадтамнай эдэ үдэрнүүдтэ айхабтар халуун уларил тогтобо. Арад зон уһа голой эрьеэр амарна, уһанда ороно. Энэ талаар Улаан-Үдэдэ байдалнай хүшэрхэн даа.
Буряадаймнай ажаһуугшадай, мүн айлшадай дура буляажа шадаһан «Ёохорой һүни» гэһэн хатарай һайндэр июлиин 1-2-ой үдэрнүүдтэ Этнографическа музейн хүреэлэндэ үнгэргэгдэхэнь.
Буряадай ниислэл Улаан-Үдэ хотодо зайн галаар ябадаг авто-унаануудые адаглахаар. Теэд олон зон тиимэ унаануудай хотын харгынуудаар мухарин ябахые обёороогүй байхадаа магад. Зайн галаар ябадаг Ниссан «Лиф» гэһэн авто-унаа манай эндэ эгээн олон гээд хэлэлтэй. Бэшэ маркын унаанууд үнэтэй. Гэртээ ерээд, машинаяа розеткэдэ хадхажа, зарядкада табихада, ехэл амар, гол түлэб хямда болоно.
Буряадаймнай ниислэл Улаан-Үдэ хотодо анха түрүүшынхиеэ «Дархашуулай хани барисаан» гэһэн уран гартанай хуралдаан боложо үнгэрхэнь. Июлиин 1-дэ Эрхүү, Амарай можонуудай, Үбэр Байгалай, Хабаровска хизаарнуудай, Яхадай болон Буряадай 150 гаран дархашуул сугларжа, бэе бэетэеэ танилсаха, дүй дүршэлөөрөө хубаалдаха. Тус хэмжээ ябуулга июлиин 1-дэ Театральна талмай дээрэ баярай оршондо эхиеэ абажа, саашадаа 2 үдэрэй туршада үргэлжэлхэ юм.
Ивалгын дасанай ипподром дээрэ «Наадан-Сурхарбаанай» мори урилдаан үнгэргэгдэбэ. Абсолютна чемпионой нэрэ зэргэдэ Сэлэнгын аймагай хүлэг хүртөө.
Үшөө харуулха
