Алексей Цыденов Яруунын аймагаар албанайнгаа хэрэгээр ябахадаа, Мужыхада эмнэлгын амбулатори нээгээ. Мужыха нютагта нээгдэһэн амбулатори үшөө Эгэтэ ба Поперечное нютагуудта ажаһуудаг 1,5 мянган хүнүүдые аргалжа байха юм. Энэ амбулаториин модульно байшан үндэһэн «Элүүрые хамгаалалга» түлэбөөр баригдаа. Алексей Цыденов Нарһатада баригдажа байһан 450 һууритай һургуулиин барилгые шалгаа, «Озёрный» ГОК ошоо.
Балдан Цыжиповэй туйлалта
Июниин 24-26-ай үдэрнүүдтэ Тыва Уласай ниислэл Кызыл хотодо эрэшүүлэй дунда барилдаагаар Ородой чемпионат үнгэргэгдэбэ. Буряадай тамиршад оройдоол нэгэ медаль абажа шадаа. Балдан Цыжипов шангай 3-дахи һуури эзэлээ.
Буряадай гүрэнэй ехэ һургуулида багшын мэргэжэлдэ хэлсээгээр һурадаг оюутадта уласай һан жасын зөөриһөө стипендииень нэмэхэ.
Шатарай мүрысөөндэ 58 хабаадагшадай дунда ФИДЕ-гэй мастер Сэнгдоржо Дондуков “Сурхарбаанай” абарга боложо тодороо.
Нааданай долоон абаргын тоодо Дарима Энэбэшиева оролсоо. Тэрэ шагай нааданда гол шанда - абсолютна чемпионой нэрэ зэргэдэ хүртэһэн байна.
Заха холын Захааминай аймагай Шара-Азарга һууринай Хэшэгтэ Раднаев уласай “Наадан-Сурхарбаанай” һээр шаалгаар мүрысөөнэй абарга боложо шадаа.
Бүхэ барилдаанай мүрысөөн харагшадай гол анхарал эзэлээ. 161 хабаадагшын дундаһаа Хэжэнгын аймагай барилдаашан Баян Жимбеев ээлжээтэ “Наадан-Сурхарбаанай” абаргын нэрэ зэргэдэ хүртэһэн байна.
Һур харбалгын талмай дээрэ бахархамаар ушар тохёолдобо. Зэдын аймагай Дээдэ Үшөөтэй һууринай һур харбалгын багша Виктор Ринчинов абаргын нэрэ зэргэдэ хүртэбэ. Һонирхолтой гэхэдэ, табан жэлэй саана шэнэ абаргын дүү хүбүүн Мэргэн “Наадан-Сурхарбаанай” абсолютна чемпион болоһон намтартай.
Ород Уласай Юрэнхылэгшэ Владимир Путинай даабаряар «Алас Дурнын ипотекэ» гэһэн программа үргэдхэгдэхэнь.
Анатолий Юндунович Митуповай нангин дурасхаалда зорюулагдаһан «Шатар наадан - хэшэг буян заяаһан» гэжэ ном Улаан-Үдэдэ нара хараба.
Монголой дэлхэйн абарганууд болоhон алдар солото барилдаашад булта зургаа наhа хүрэтэрɵɵ эжынгээ hү хүхэжэ тэнжэhэн гэжэ эли.
Буряадтаа мэдээжэ эмшэн-хирург Еши Нянюевич Цыбиков байгша оной январь һарада бурханай орондо мордоо һэн. Эмшэдэй мэргэжэлтэ һайндэрэй урдахана, июниин 15-да Уласай эмнэлгын газарай хирургиин байшанда мэдээжэ эмшэнэй дурасхаалда зорюулагдаһан самбар нээгдээ. Яруунын аймагһаа гарбалтай бэлигтэй хирург нэрээ саарһан дээрэ, мүрөө саһан дээрэ үлөөгөө. Хэды олон мянгаад зониие аргалжа, эмнэжэ, хүл дээрэнь табиһан тухайнь суг ажаллаһан нүхэдынь, түрэлхидынь дурсан хэлэнэ һэн.
Захааминай аймагай байгуулагдаһаар 95 жэлэй ойдо
Зүлгэ ногоон Мойһотодо
Зон зургаанай зориг,
Эрмэлзэл, бэлиг элирүүлбэл,
Хүндэмүүшэ хадата Захаамин.
(Галина РИНЧИНОВА)
Июниин 11-дэ Буряадай Толгойлогшо Алексей Цыденов Захааминай аймагай байгуулагдаһаар 95 жэлэй ойдо зорюулагдаһан хэмжээ ябуулгануудые аймагай Сурхарбаан дээрэ нээгээ гэжэ урда дугаартаа мэдээсээ һэмди. Энэ ехэ жабхаланта найр нааданда хабаадалсаһан хүнүүдэй һанамжануудые мүнөө уншагшадтаа дурадханабди.
Эдиршүүлэй дунда дүрбэн наһанай бүлэгтэ Буряад Уласай чемпионат июниин 16-20-ой үдэрнүүдтэ үнгэргэгдэбэ. Уржадэр түрүү һуури эзэлэгшэдэй нэрэнүүд элирүүлэгдээ.
Казахстан гүрэнэй ниислэл болохо Нур-Султан хотодо һур харбалгаар уласхоорондын мүрысөөн эмхидхэгдэбэ. Ородой суглуулагдамал командын бүридэлдэ оруулагдаһан Буряадай харбагшад һайн дүн тэндэ харуулаа.
Июниин 18-да Буряадта түүхэтэ ушар болоо. Уласай онкодиспансертэ хирургиин нэмэлтэ таһаг баярай оршондо нээгдэбэ. Манай гүрэнэй Юрэнхылэгшэ Владимир Путин онлайн аргаар тус байшан нээһэн байна. Россиин Засагай газарай Түрүүлэгшын орлогшо Татьяна Голикова болон элүүрые хамгаалгын сайд Михаил Мурашко хоёр нээлгэндэ оролсоо.
Эрэшүүлэй дунда Алас Дурна зүгэй федеральна тойрогой чемпионат июниин 19-дэ Якутск хотодо боложо түгэсэбэ. Тус мүрысөөндэ Буряад Уласай тамиршад табан медальда хүртэжэ шадаа.
Үндэр хэмжээндэ олоной хабаадалгатайгаар зулгы зунай Сурхарбаан Түнхэнэй аймагта үнгэргэгдэбэ. Нааданай үедэ олон тоото нютагаархид үнэтэ бэлэгүүдтэ хүртэһэн байна.
Баргажанай аймагай загаһашад бэрхэшээлнүүд тухайгаа гомдол бариба. Арадай Хуралай һунгамалнуудай албанай хэрэгээр тэрэ зүг руу ябахада, аймагай загаһашад омоли бариха хорюул тухай болоод хаб загаһанай, хойхо шубуунай элбэг болоһые дуулгаба.
Байгал далайн эгээл ехэ олтирог Ойхон хүрэтэр үдэр бүри агаарай онгосо ниидэдэг болохонь. Энэ ушараар аяншалагшадай тоо олошорхо байха.