Буряад Уласай Һуралсалай гуламтануудта шатар наада дэлгэрүүлхэ талаар ажал үргэнөөр ябуулагдажа эхилэнхэй. Ургажа ябаа залуу халаанда шатар зааха шэнэ гуримуудые һайнаар нэбтэрүүлдэг эрхим багшанарта үнэтэ бэлэгүүд барюулагдаа.
Зунай халаанай хоёрдохи мүрысөөндэ харбаашад хабаадаба. Ородой Кубогта хүртэхын түлөө мүрысөөндэ Буряадай тамиршад дүрбэн медаль абажа шадаа.
Үнгэрһэн долоон хоногой эсэстэ Ород гүрэнэй Санаар урилдаанай федерацида һоригшодой ехэ суглаан эмхидхэгдэбэ. Үнгэрһэн үбэлэй халаанай дүнгүүд согсологдоо, ерэхэ жэлэй түсэбүүд хэлсэгдээ.
Московско можын Раменское хотодо 16 наһа хүрөөдүй басагадай дунда Ородой чемпионат үнгэргэгдэбэ. Буряадай тамиршад дүрбэн медальтай гэртээ бусаа.
Буряад Уласай ниислэл Улаан-Үдэ хотодо тамирай үшөө нэгэ томо талмай бии болобо. “Патриот” гэһэн тамирай тулалдаануудай зүйлнүүдэй түб һайндэрнүүдэй урдахана нээгдэһэн байна.
Һаяшаг Улаан-Үдэдэ ехэшүүлэй дунда Ородой чемпионат үнгэргэгдөө бэлэй гээд һануулая. Харин мүнөө Буряадаймнай залуу тамиршад Ородой чемпионадта амжалтатайгаар хабаадаба гээшэ.
Монголой ниислэл Улаан-Баатар хотодо Ази түбиин чемпионат хэдэн үдэрэй хугасаада үнгэргэгдэбэ. Кыргызстанай түлөө барилдадаг Буряадай тамиршан Арсалан Будажапов шангай 3-дахи һуури эзэлээ.
Мэргэжэл олгуулдаг дунда һургуулинуудай оюутад буряад барилдаагаар бэеэ туршан, заншалта мүрысөөндэ жэл бүри оролсоно. Энэшье удаа шанга тэмсээн М.Ербановай нэрэмжэтэ Буряадай аграрна колледжын дэргэдэ эмхидхэгдээ.
Ахын аймагһаа уг гарбалтай тамиршан Даша Шарастепанов Буряад Уласай барилдаанай түрүү зэргэдэ түргэн гараа гэхэдэ, алдуу болохогүй. Ород гүрэнэй чемпионадуудта, хэдэн уласхоорондын мүрысөөнүүдтэ тэрэ шалгарһан намтартай. Тиигэжэ “Уласхоорондын классай спортын мастер” гэһэн үндэр нэрэ зэргэдэ 2021 ондо хүртөө. Энэ ушараар Ахын арад зон нютагайнгаа бэлигтэй тамиршантай уулзажа, хүндэлхэ түсэбынь одоошье бүтэбэ.
Сагаан Дара Эхэдэ зорюулагдаа
Буряад бүхэ барилдаагаар мүрысөөнүүд тамирай энэ зүйлдэ дуратайшуулые суглуулжа эхилбэ. Сагаан Дара Эхэ бурханда зорюулагдаһан мүрысөөн 2022 оной барилдаанай хаһа нээбэ гээшэ.
Байгалай санаар урилдаанай марафон заншалта ёһоороо апрель һарада үнгэргэгдэбэ. 21-дэхиеэ болоһон хэмжээ ябуулгада 480 гаран хүн хабаадаа гээд хэлэлтэй.
Эдир тамиршанай амжалта
Буряадай барилдааша басаган Аяна Цыренжапова Ородой чемпионадта мүнгэн медальда хүртэбэ. Иимэ баяртай мэдээсэл Московско можын Наро-Фоминск хотоһоо үнгэрһэн амаралтын үдэрнүүдтэ абтаа.
Буряадай гүрэнэй хүдөө ажахын академиин дэргэдэ самбо барилдаагаар оюутадай дунда мүрысөөн апрелиин 9-дэ эмхидхэгдэбэ. 80 гаран тамиршад хибэс дээрэ гараа гээд хэлэлтэй.
Ород гүрэнэй тамиршад уласхоорондын алишье мүрысөөндэ хабаадахаяа болинхой. Хэды тиигэбэшье ондоо гүрэнүүдые түлөөлдэг тамиршад спортын талмайнууд дээрэ гарана. Эндэ барилдаагаар Буряадай һоригшо Максим Молоновые нэрлэмээр.
Санаар урилдаан, биатлон
Үбэлэй хаһа, баяртай!
Тюмень болон Сыктывкар хотонуудта биатлоноор болон санаар урилдаагаар Ородой чемпионат апрелиин 3-да дүүрэжэ, үбэлэй ээлжээтэ хаһа түгэсэбэ. 2021-2022 онуудай халаанда Ородой тамиршад һайн дүнгүүдые харуулаа гэхэдэ, алдуу болохогүй. Теэд Олимпиин наадануудта Буряадаймнай түлөөлэгшэдэй хабаадаагүйнь харамтай.
Буряадай тамиршан Алиса Жамбалова санаар урилдаагаар Ород Уласай чемпионадай мүнгэн медальда хүртэбэ. Энээн тухай Буряадай спортын яаман дуулгана.
Буряадай барилдааша хүбүүд залуушуулай дунда Ородой чемпионадта амжалтатай хабаадаба. Баир Баяндуев болон Илья Жибалов гэгшэд хүрэл медальда хүртэбэ. Дагестанай Каспийск хотодо 21 наһа хүрөөдүй барилдаашад бүхы Ород гүрэнэй можо хизаарнуудһаа сугларба.
Буряадай ниислэлдэ Ородой чемпионат түгэсэбэ. Талмайн эзэд оройдоол гурбан мүнгэн, нэгэ хүрэл медаль абажа шадаа. Спортын мэргэжэлтэдэй тэмдэглэһээр, энэ яһала һайн дүн гээшэ.
Үшөө харуулха
