Июниин 1-үхибүүдые хамгаалгын үдэр
Зунай түрүүшын үдэр, июниин 1-дэ, бүмбэрсэг дэлхэйн олон гүрэнүүдтэ Үхибүүдые хамгаалгын уласхоорондын үдэр тэмдэглэгдэдэг.
Ниигэм
1 jun
Буряад Үнэн
Зунай түрүүшын үдэр, июниин 1-дэ, бүмбэрсэг дэлхэйн олон гүрэнүүдтэ Үхибүүдые хамгаалгын уласхоорондын үдэр тэмдэглэгдэдэг.
Х.Намсараевай нэрэмжэтэ гүрэнэй академическэ Буряад драмын театр Ород Уласай театральна холбооной грант шүүбэ.
Улаан-Үдын Этнографическа музейн хүреэндэ Буряад Уласай эгээл томо туг намилзуулба.
Түрэл буряад хэлэн дээрэ агаарай долгиндо дамжуулгануудые түхэреэн сүүдхын туршада гаргажа байдаг гансахан «Буряад ТВ» нэбтэрүүлгэмнай жэлтэй болобо. Нёдондо Буряад Уласайнгаа түрэһэн үдэртэ, майн 30-да анха түрүүшынхиеэ агаарай долгиндо тэдэ гараһан юм.
Тэмээе элһэтэ губиин онгосо гэжэ нэрлэдэг. Удаан саг соо уһа хэрэглэнгүй ябаха аргатай юм
Бардаастай бүдүүн мүртөө хүн зоной шагнахада угаа һайхашаагдадаг хоолойгоор уянгата дуу зэдэлүүлхэдээ, хэнэйшье зүрхэ хайлуулжа шададаг дуушан, арадай театрай зүжэгшэн, арбан хургандаа аргагүй дүйтэй хүнтэй уншагшадаа танилсуулха дуратай байнабди. Энэ хүнэй аялгата буряад дуунуудаа хангюурдажа байхадань, шагнаһан, сэнхир дэлгэсээр нэгэтэ бэшэ хараһан байхат. Тиигэбэшье бүри тодорхойгоор тэрэнэй зохёохы ажалтайнь танилсуулхадаа, өөр тухайнь олондо мэдээсэхэ хүсэлтэйбди. Хэн тухай хэлэнэбибди гэхэдэ, энэмнай Жаргал Базаров болонол даа. Тэрэ түрэһэн Баргажан голдоо үнинэй мэдээжэ юм. Бархан үндэр уула түшэлгэтэй Элһэн һайхан нютагһаа уг гарбалтай дуушан юм.
Майн 21-дэ Мэргэдүүдэй хэрэмдэ “Талын һалхин” гэһэн Буряад Уласай арадуудай фестиваль анха түрүүшынхиеэ эмхидхэгдээ.
Россиин Федерациин Гүрэнэй Дүүмэдэ “Дэлхэйдэ өөрынгөө Эхэ орон тухай хөөрэ” гэһэн уласхоорондын дүрбэдэхи урилдаанай илагшадые амаршалгын ёһолол майн 20-до үнгэрөө. Тэдэ олон хабаадагшадай дунда Хориин аймагай Хори нютагай Буянто Сультимов амжалта туйлажа, хоёрдохи һуурида гаража, Гүрэнэй Дүүмэдэ уригдаһан байгаа. Буянто түрэл аймагайнгаа шүтөөнтэй газар, Баян-Хонгор хадада Будда бурханай 33 метр үндэртэй зураг тухай видео-буулгабари бэлдэжэ, тэрэнээ англи хэлэн дээрэ хөөрөө.
Буряадай ниислэлдэ майн 21-дэ “Российский азимут” гэһэн бүхэроссиин мүрысөөн үнгэргэгдөө. Энэ үдэр тус хэмжээ ябуулга Ород гүрэнэй бүхы можо хизаарнуудта болоо гээд хэлэлтэй.
«Эмнэлгын аяншалгын хүгжэлтын ерээдүй. Заншалнууд, шэнэлэлгэ, хүгжэлтэ» гэһэн панельнэ сессиие ВКС-эй гуримаар Гүрэнэй Дүүмын болбосоролой ба эрдэмэй хорооной түрүүлэгшын нэгэдэхи орлогшо, РАН-ай академик Геннадий Онищенко нээхэ. Алас Дурнын федеральна тойрогой стратегическэ үүсхэлнүүдэй Агентствын түлөөлэлгын хүтэлбэрилэгшэ Ольга Курилова хабаадагшадта амаршалгын үгэнүүдые хэлэхэ. Буряадай элүүрые хамгаалгын сайд Евгения Лудупова сессиин модератор болохо.
Байгша оной майн 23 болотор аяар 682 хүн хашагта хазуулжа, эмнэлгын газарта хандаһан байна. Тэдэнэй 200 гараниинь -үхибүүд.
Үнгэрһэн долоон хоногто Буряадай барилдаашад “Poddubny Wrestling League” (PWL) гэһэн уласхоорондын мүрысөөндэ юһэн медальда хүртөө.
Уласхоорондын «Росси-Монгол хоорондын харилсаан шэнэ байдалда» гэһэн форумдо хабаадахаяа онлайн аргаар мэдүүлгэнүүд албан ёһоной https://rmforum.ru/ сайт дээрэ нээгдээ.
Монгол гүрэнэй 200 гаран компаниин түлөөлэгшэд форумой ажалда хабаадаха.
Буряад Уласай тамирай болон залуушуулай хэрэгүүдэй талаар сайдай орлогшоор, бэе махабадай соёлой болон тамирай хорооной түрүүлэгшээр Эрдэм Биликтуев томилогдобо. Энээн тухай зарлиг майн 23-да баталагдаба
Майн 23-да Самара хотодо Бүхэроссиин оюутадай хабар 30-дахияа үнгэрбэ. Энэ хэмжээ ябуулгада бүхыдээ 5000 оюутад Россиин 85 можо хизаарһаа хабаадаа.
Мүнөөдэрэй байдалаар түймэр түргэн унтарааха 16 бүлгэм хото шадарай ой модо 8,5 мянган гектарта хамгаална. Тиин түймэрһөө һэргылэмжын хаһа июниин 10 болотор утадхагдаба.
Байгша ондо Ахын Өөрлигэй дунда һургуулиие 14 үхибүүн түгэсхэбэ. Тэндэ һүүлшын хонхо майн 22-то жэнгирээ гээд, һургуулиин багша Алексей Папаев дуулгаба.
Үшөө харуулха
