Эсэгэ ороноо хамгаалгын Агууехэ дайнда Буряад Уласай 19 сэрэгшэд Советскэ Союзай Геройнууд болонхой. Хүн зон тэдэнэй нэрэнүүдые ниислэл хотын гудамжануудаар болон амаралгын газарнуудаар мэдэхэ. Жэшээлхэдэ, Борсоевой гудамжа гү, али Орешковэй нэрэмжэтэ парк. Харин Буряад Уласhаа дайнда 120 мянган нютагаархиднай хабаадаа. Олон сэрэгшэдэй нэрэнүүд, тэдэнэй баатаршалга мэдэгдэнгүй үлэшэһэн байдаг. Түүхэшэн Бато-Жаргал Бубеевич Дармаев архивууд соо хүдэлжэ, манай сэрэгшэдэй нэрэнүүдые оложо, баатаршалгануудыень элирүүлжэ, түрэлхидтэнь дуулгана. Агууехэ Илалтын 77-дохи ойн баярые угтуулан, Буряадай Үндэһэтэнэй номой санда ехэ уулзалга эмхидхэгдээ.
Баргажанай аймагай Душелан hууринда шасаргана ургуулха ехэ ажал эхилэнхэй. Хэдэн жэлэй үнгэрхэдэ, шасаргана түүжэ, наймаанда табидаг болохо ёһотой. Апрель һарын хуушаар хоёрдохи халаанай шасаргана таригдажа эхилээ.
Хойто аймагуудта үшөө хүйтэн, газар дулаасаагүй, талха таряагаа тариха ажал һаял эхилхэ гэжэ байна. Баянголой хамтын ажахын ветерануудай хөөрэһөөр, майн 1-дэ Хүнтэйн талада хабарай ажал шууяса ябажа байгша һэн.
Алдарта дуушадаар суутай аглаг уужам Ага нютагай Ушарбай тоонтотой Эржена сагаангууд омогой Нанзадай Бальжинима нагаса абындаа торнижон үндыһэн намтартай.
Буряад орон федеральна һан жасаһаа 125,5 сая түхэриг абаха. Энэ мүнгэн зөөри Россиин Юрэнхылэгшэ Владимир Путинай даабаряар эмнэлгын реабилитаци үргэдхэхэ түлэб бэелүүлгэдэ шэглүүлэгдэхэ юм.
Үлэгдэлнүүдые хадагалха газар Селенгинскдэ баригдаха юм. Энэ асуудал тогтоогдоһон гуримаараа шиидхэгдэнэ. Энээн тухай Буряадай Толгойлогшо Алексей Цыденов дуулгаба.
Илалтын туг дамжуулгын ёһолол Новоселенгинск тосхондо үнгэрһэн байна.
«Гэр бүлэ» гэһэн VII Бүхэроссиин урилдаанай региональна шата дүүрэжэ, эрхимүүд элирүүлэгдэбэ. Тус урилдаанда Буряадай 16 аймагһаа 30 гаран гэр бүлэ оролсобод. Тиигэжэ тэдэнэй оройдоол 5-иинь Бүхэроссиин хэмжээндэ Буряадайнгаа нэрэ хүндэ түлөөлхэ эрхэдэ хүртэһэн байна. «Хүдөө нютагта ажаһуудаг гэр бүлэ», «Залуу гэр бүлэ », «Заншалаа сахидаг гэр бүлэ», «Үнэр баян гэр бүлэ», «Алтан айл» гэһэн 5 шэглэлээр эрхимүүдые шэлэһэн байна.
Эдэ үдэрнүүдтэ Турцида эхэнэрнүүдэй дунда боксоор дэлхэйн чемпионат үнгэргэгдэнэ. Тус мүрысөөндэ Серби гүрэниие түлөөлдэг Наталья Шадрина хабаадаһан байна.
Үнгэрэгшэ амаралтын үдэрнүүдтэ яһала һонирхолтой, удха шанартай үйлэ хэрэгтэ тудажа, анхаран хаража ерэһэнээ, та олондоо хубаалдахамнай. Улаан-Үдэ – Хори – Нарһата гэһэн харгыгаар оодоргожо, Асагад нютаг арай хүрөөдүй ябахада, зүүн гарһаа 4-5 гэрнүүдые обёорһон лэ байхат. Тэндэ хэдэн айл хамтаржа, үхэр малаа харууһална, огородой эдеэшье ургуулна. Айлшаар хүрэхэдөө, хараһанаа хөөрэжэ туршаһуу даа.
Үнгэрһэн долоон хоногой амаралтын үдэрнүүдтэ Буряадай гүрэнэй хүдөө ажахын академиин дэргэдэ барилдаагаар мүрысөөн эмхидхэгдээ. Олон жэлдэ һуралсалай гуламтые хүтэлбэрилһэн Александр Поповто тус хэмжээ ябуулга зорюулагдаа.
Красноярскын хизаарта ойн түймэрнүүд һуладанагүй. Буряадай «Ойн спецназ» Красноярскын нүхэдтөө хамһалсахаяа ошобо. Тэндэ айхабтар ехээр түймэрнүүд һүжэржэ байна.
Майн 27-28-да Улаан-Үдын ФСК-да Ород, Монгол гүрэнүүдэй харилсаанда зорюулагдаһан ехэ уулзалга үнгэргэгдэхэнь. Иимэ хэмжээ ябуулга эмхидхэхэ тухай үүсхэл Буряадай Толгойлогшо Алексей Цыденов гаргаһан байна.
Үнгэрэгшэ амаралтын үдэрнүүдтэ Улаан-Үдэдэ хадамда гараһан эхэнэрнүүдэй дунда гоо һайханай урилдаан боложо үнгэрөө. «Миссис Бурятия» гэһэн мүрысөөндэ хабаадаха эжынэр яһала олон байгаа. 5 хүүгэдэй эжы Сэсэг Хандархаева шэлэн абагшадай нэгэн дуугаар түрүүлжэ гараба.
Буряад Уласай аймагуудай гулваанар албанайнгаа хэрэгээр Примориин хизаар ошоо. Аймагуудай засаг дарганарай иимэ олоороо сугларжа, анха түрүүшынхиеэ ондоо регионой ажабайдалтай танилсаа.
Улаан-Үдэ хотодо Үдэ голой эрье зубшаад, болбосон түхэлтэй болгохо, хүнэй амарха, сэнгэхэ газарнууд түхеэрэгдэхэнь гэжэ мэдээсэл энэ хабар дуулаһан байнабди. Тэдэнэй нэгэниинь воркаут гэһэн бэеэ һорихо тамирай талмай болоно. Энэ хадаа ерээдүйн ехэ барилгын түрүүшын шатань гэхэдэ болохо.
Үбэр Байгалай хизаарай губернатор Александр Осипов Агын голой эрье болбосон түхэлтэй болгохо гэһэн уран һайханай түсэл һайшааба. Ага тосхондо бэелүүлэгдэхэ энэ түсэл уран барималша Жигжит Баясхаланов зохёоходоо, буряад арад зоной адуунда дуратайе харуулхые оролдоо.
Дугарма Батоболотова. Энэ нэрэ мэдэхэгүй, дуулаагүй зон үсөөн ёһотой. Агын тойрогой элитэ уран шүлэгшэн, Россиин, Буряад Уласай Уран зохёолшодой холбоонуудай болон Үбэр Байгалай хизаарай уран зохёолшодой эмхиин гэшүүн Дугарма Батоболотовагай буурашагүй бэлигэй дээжэ салгидаһаар.
Буряадаймнай спортдо дуратайшуул футбол наадаяа одоошье ехээр хараха аргатай болобо. 2022 оной бүхэроссиин мүрысөөнүүдтэ Буряадай аяар дүрбэн команда наадахань. Майн 8-да тэдэ түрүүшынгээ уулзалгануудые үнгэргөө.