Хэрбээ тэнгэриин үндэрһөө доошоо Байгал шадарай газар уһанай дэбисхэр шэртэн хараа бол, хада уулын, хангил хабсагайн хаяаһаа эхи абаһан Интэ, Эрхүү мүрэнүүдэй, Монголой тала дайдаһаа эхи абаһан Сэлэнгэ мүрэнэй долгилон урдаһан уһан арюухан Байгал далайдаа шудхан ороно.
Хяагтын Рабдановтанай гэр бүлэ «Энэ манай гэр бүлынхид» гэһэн урилдаанда хабаадаха. Сентябриин 1-дэ гүрэнэй Юрэнхылэгшэ Владимир Путин урилдаанай эхи табяа юм. Урилдаанда хабаадагшадые бүридхэлгэ этосемейное.рф. сайтда эхилээ.
Сентябриин 17 - ой модоной ажахын хүдэлмэрилэгшэдэй үдэр
Буряад Уласай Толгойлогшо Алексей Цыденов албанай хэрэгээр Загарайн аймагаар ябаба. Толгойлогшо ниигэмэй эмхинүүдтэ хүрэхэһөө гадна Үндэһэтэнэй «Аюулгүй шанартай харгынууд» гэһэн түсэл аймаг дотор яажа бэелүүлэгдэжэ байнаб гэжэ шалгаба.
Хархис дайсадтай тэмсэжэ ябаһан сэрэгшэдэй бэшэһэн, хүнэй зүрхэ сэдьхэл хүдэлгэһэн гуниг дүүрэн гурбалжан бэшэгүүд, сэбэр һайхан мэдэрэл түрүүлһэн мүрнүүд… Ара талын ажалда амин бэеэ хайрлангүй ажаллажа ябаһан басагадта, бэреэдтэ баяр жаргал асарһан инагай захяанууд. Олон жэлэй туршада уншагдажа, эбхэлеэгээрээ нимгэржэ, соорохо болошоһон, газаа талаһаа үнгэ зүһэеэ хубилжа шарлашаһан бэшэгүүд хэтын хэтэдэ удха шанараа алдахагүй, алта мүнгэнһѳѳшье үнэтэй үгэнүүд, аюулта дай даража, түрэһэн нютагаа амиды мэндэ бусаха сэрэгшэдэй этигэл найдалай һүлдэ тэмдэгүүд. Хэдэн үе зоной хорбоо юртэмсэһѳѳ халин ошоошье һаань, хариин дайдада баатарай үхэлѳѳр алдалан унаһан совет сэрэгшын мэндын тэмдэг хүнэй сэдьхэл хүлгүүлжэл байха! Гыдыпова Димит эгэшын ори ганса Намсарайжапов Цыренванчик хүбүүнэй аюулта дайнай агшан зуурын забһар соо заб оложо, хорон карандашаар лата үзэгѳѳр бэшэһэн бэшэгүүд хэды ехэ баяр асардаг байгааб даа!
Буряадай хүдөө ажахын ехэ hургуулида һонин үйлэ хэрэг эхилбэ. Оюутадай дунда олзын хэрэг эрхилхэ шэнэ проектнүүдэй урилдаан гэхэ юм гү, али ородоор акселератор эмхидхэгдэбэ. Оюутад гээшэмнай залуунууд, урагшаа һанаатай, шэнэ юумэ шудалха, үзэхэ гэжэ шармайдаг улад ха юм даа.
Загарайн аймагта гүрэнэй диализна таhаг нээгдэбэ. Мүнөө сагай эрилтэдэ тааруу эмшэлгын оньhон түхеэрэлгээр тэрэ хангагданхай.
Улаан-Үдэ хотымнай ажаһуугшадта үбэлэй сагта хадаһаа һолжоржо наадаха арга олгогдохонь. Иимэ түб Дээдэ Онгостой шадар Бүргэдэй хада гэжэ нэрлэгдэһэн газарта шэнээр баригдахань. Мүнөө барилгын ажал түлэг дундаа хэгдэжэ байна.
Алтан дэлхэй дээрэ адли зон түрэнэгүй. Зариман үбшэн түрэнэ. Зариман ажабайдалдаа алибаа аюулда ороод, бэеэ гэмэлтээнэ. Хайшаашье hаа, бултадаа хүнүүд ха юмбибди. Тиимэhээ бултанда адли жэгдэ оршон байдал зохёохо шухала.
Бэе һууринай дунда һургуулиин түүхэдэ һуралсалай 4-дэхи хаһа эхиеэ абаба. Энэ үдэр баяр ёһололой хэмжээ ябуулга эмхидхэгдээ. Ород гүрэнэй туг эрхим һурагшад гаргажа, 9-дэхи классай Максар Гомбоевто тэрээниие үргэхэ хүндэтэ үүргэ даалгагдаба. 1-дэхи классай һурагша Юлия Жамьянова болон 11- дэхи классай шаби Санжай Эрдынеев гэгшэд түрүүшын хонхо жэнгирүүлбэ. Эрдэм мэдэсын үдэр Хойто-Бэеын һургуулиин захирал Владимир Михайлович Бадмаевтай уулзажа хөөрэлдэһэн байнабди:
Улаан-Үдын түб гудамжануудаар түбхинэһэн урданай гэрнүүдые задалжа, орондонь мүнөө үеын эрилтэдэ таарама шэнэ гэр байрануудые бодхоохо гэжэ үнинэй хэлсэдэг. Теэд тэрэ сагынь одоошье хүрэжэ ерэбэ гү?
Ямар бэ даа шалтагаанаар үнинэй уулзаагүй, бэе бэеэ һайн мэдэхэ дүтын түрэлнүүд мэтэ таранабди. Нэгэ ёһо заншалтай, нэгэ шуһатай, хэлэтэй зон гээшэбди. Һүтэй шара сайгаа үлеэн байжа ууха зуураа амаа хааха забгүй хөөрэлдэжэ мэдэнэбди. Ямар угай үри һадаһад байһанаа зугаалнабди. Хальбан угтай зон байба гээшэбди. «Хори буряадууд», - гэнэб. Тэдэ зомни бэе бэеэ шарайшалан хараад үлэнэ. Монголой буряадуудта энээн тухай хөөрэһэнэй хэрэггүйл даа гэжэ нэгэ заб үнгэрхэдэнь ойлгоодхибоб. Эдэмнай бултадаа Агын талаһаа гараһан хори буряад угсаатан ха юм даа.
Август һарын 31-дэ, зунай эсэстэ Малай эмшэдэй мэргэжэлтэ үдэр Росси дотор тэмдэглэгдэдэг. Мүнөө сагта амитад элдэбын үбшэнгүүдтэ нэрбэгдэдэг болонхой. Буряадта байд гээд лэ халдабарита үбшэнгүүдээр мал үбдэнэ. Боомо, ящур, хумхаа үбшэн гэхэ мэтэ һүжэрнэ. Малай эмшэд ганса эбэртэ бодо мал аргалдаг бэшэ, харин нохой, миисгэйнүүдые эмшэлнэ. Хурамхаанай аймагта 14 жэлэй туршада малай эмшэнээр Алексей Валерьевич БУРХИНОВ амжалтатай ажаллажа байна. Элһэн нютагай түлөө тэрэ харюусадаг юм. Мэргэжэлтэ һайндэрэйнь урдахана малай эмшэнтэй хөөрэлдөө хэһэн байгаабди.
«Алтан мундарга» гэжэ һээр шаалгаар уласхоорондын мүрысөөндэ Ушарбай нютагай Чингис Батомункуев илалта туйлажа, Абарга баатар болобо гэһэн мэдээсэл сахилгаан түргөөр Агын талаар таража, Ушарбай нютагаархид алдарта хүбүүгээ хүндэлэн ёһолхо гэжэ дууламсаараа, түрэһэн тоонто Ушарбай руугаа яаран ошоо бэлэйб.
Буряад ороной Толгойлогшо Алексей Цыденов албанайнгаа хэрэгээр Кабанскын аймагаар ябахадаа, аймагай ниигэмэй эмхи зургаануудта, үйлэдбэринүүдтэ хүрөө. Тэрээнһээ гадуур, аймагай олзын хэрэг эрхилэгшэдтэй болон ажаһуугшадтай уулзаа.
Үнгэрһэн долоон хоногой бүхы табан үдэр багшанарай августын суглаанууд Буряад Уласай аймагуудта болон Улаан-Үдэ хотодо үнгэржэ, һуралсалай шэнэ жэлдэ нэбтэрүүлэгдэхэ түсэбүүд баталагдаа. Гэхэтэй хамта, бэрхэшээлтэ асуудалнууд хэлсэгдэжэ, тэдэниие яагаад шиидхэбэл һайн бэ гэһэн хөөрэлдөөн эмхидхэгдээ.
Үшөө харуулха
