Сэлгехэн Сэлэнгэдэ түсэблэһэнөө бэелүүлнэ
“Темник” гэһэн нютагай засагай байгууламжада бүхы 11 ТОС эдэбхитэйгээр хүдэлнэ.
“Темник” гэһэн нютагай засагай байгууламжада бүхы 11 ТОС эдэбхитэйгээр хүдэлнэ.
Буряад Улас дотор ТОС-уудай нэгэдэлнүүдэй хуралдаан хэдэн шата болон эмхидхэгдээ гээд һануулая. Эгээл түрүүшын шатые Сэлэнгын аймаг угтан абаһан байна. Сурхайта нуурай эрьедэ урда аймагуудай түлөөлэгшэд суглараа. Сэлэнгынхид эдэбхитэйгээр энэ талаар ажал хэрэгээ ябуулжа байна гэжэ тус хэмжээ ябуулга харуулаа.
Өөрынгөө хоёр улаан гараараа юумэ хэжэ шадаха, дархалха, бүри нарин урлал бүтээдэг зон хэзээдэшье, ямаршье сагта хүндэтэй ябадаг. Модо шулуу тайража, гэр байра бариха, түмэр түдэгэ суглуулжа, дарха хэхэ ажал барагдахагүй даа. Хүлэг болохо унаганһаа, хүн болохо багаһаа гэһэн сэсэн мэргэн үгын ёһоор хара багаһаа ажалай амта танижа хүдэржэбэл, хэнэйшье наһанда үлүү болохогүй. Энэл хараа баримталан, Улаан-Үдын һургуулинуудай шабинарые хүмүүжүүлдэг нэмэлтэ һуралсалай түб 1977 онһоо эхилжэ, ажалаа зохёоно.
Хүүгэдэй дүрбэн талмай Ахын аймагай Саяан, Хужар, Сорог болон Өөрлиг һууринуудта эдэ үдэрнүүдтэ нээгдэһэн байна.
Буряад Уласта гэрнүүдые барилга урагшатай ябуулагдажа байна. Тиин Буряадай тоо бүридхэлгын албанай мэдээсэһээр, 2022 оной январь-август һарануудта уласай дэбисхэртэ 1970 үмсын болон олон квартиратай гэрнүүд баригдажа тушаагдаа.
Хориин аймагай үхибүүдтэ мүнөө үеын мэдээсэлэй, тоо оньhоной онол аргануудые шудалалгын үргэн арга боломжо бии болобо. Федеральна хоёр түсэлэй гаршаг доро "Айтикуб" тэндэ нээгдэбэ. Энэ хадаа уласай аймагуудай дунда түрүүшын иимэ шэнэ технологинуудтай түб хүдэлжэ эхилбэ гээд тэмдэглэлтэй. Тиигэжэ ганса Хори тосхоной бэшэ, зүгөөр бүхы аймагай үхибүүд эндэ ерэжэ, hуралсал гараха аргатай болобо.
Буряадай түймэр саралгын албанайхид мэргэжэлтэ урилдаанда түрүүшын һуури эзэлбэ. Алас Дурнын ниислэл Владивосток хотодо сентябриин 17-до «Дaльнeвocтoчнaя вepтикaль» гэһэн түргэн абиралгаар тэмсээн түймэр сарагшадай дунда эмхидхэгдээ.
Намарай намжаа хаһын эдэ үдэрнүүдтэ Тамчын тала дайдаар ЦАМ хатарай хүгжэмэй абяан холо ойгуур сууряатажа, газар доһолһондол болоо. Хэдэн зуугаад жэлэй саана Тамчын дасанай дэбисхэр дээрэ эди шэдитэй шажанай хатар анха түрүүшынхиеэ гүйсэдхэгдөө һэн.
Сентябриин 17-до Тамчын дасанай 280 жэлэй ойдо зорюулагдаһан найрай үедэ тэрэ олоной һонорто дурадхагдаха.
Георгий Абрамович Липскеров (1896—1977) — эрхэтэнэй дайнда (1918-1921онуудта) хабаадаһан Зүблэлтэ ороной фотограф ба кинодокументалист. 1923 онһоо гэрэл зурагуудые буулгажа эхилээ һэн. «Союзфото» эмхидэ фото-сурбалжалагшаар, удаань ТАСС-ай фотохроникодо хүдэлөө. 1943 ондо немецкэ фельдмаршал Паулюсые баряанда абахада буулгаһан юм. Дайнай дүүрэхэдэ ТАСС-ай тусхай фото-сурбалжалагшаар хүдэлөө. Буряад-Монгол ороноор 1938 ондо ажалайнгаа хэрэгээр ябаһан байна.
Сентябриин 20-23-ай үдэрнүүдтэ нэмэлтэ һуралсалай багшанарай “Сердце отдаю детям!” гэһэн бүхэроссиин урилдаанай финальна шата Красноярск хотодо үнгэргэгдэхэнь. Шэлэн абалгын хэдэн шатануудай удаа Буряадай түлөөлэгшэ тиишээ ошохо эрхэдэ хүртэбэ. Энэ хэн бэ гэбэл, Эхэ орондоо дуратайгаар хүмүүжүүлгын, аяншалгын, бэе тамирай ресурсна түбэй багша Михаил Воробьёв болоно.
2000 оной 8 һарын 4-һөө 8 болотор Дорнод аймагай Дашбалбар сомондо Бүгэдэ Буряадай ээлжээтэ «Алтаргана» наадан үнгэрөө бэлэй. Сомоной түб стадион дээрэ бүхэ барилдаанай мүрысөөн зарлагдажа, олоной анхарал татаа һэн. Агын телерадиокомпаниһаа нааданай ябасые олондо мэдээсэхэ үүргэтэй ошоһон телеоператор Шираб-Нимбу Самбуев бидэ хоёр барилдаанай ябаса буулганабди.
Барга зоной ээлжээтэ фестиваль Монгол ороной Дорнод аймагта үнгэргэгдэжэ, нэгэ уг унгитай зониие суглуулба. Заншалта ёһоороо Баргажан голһоо гарбалтан тэрэ нааданда амжалтатай хабаадалсаа. Эгээл түрүүшын иимэ наадан 2007 ондо эмхидхэгдэһэн юм. Тиихэдэ Буряадаймнай мэдээжэ дуушан, Баргажан голһоо уг гарбалтай Цыпилма Аюшеева уригдажа, тэрэ нааданда гансаараа хабаадажа ерэһэн байна. Харин мүнөө энэ нааданда түүхэ шудалагшад Жорж Мангутович Абзаев, Гомбоев Баир Гомбоевич, дуушад Саян Юрьевич Бальжиев мүн Цыпилма Очировна Аюшеева гэгшэд хүндэтэ айлшад боложо хабаадаа.
Ород Уласай түрүү хирург эмшэд Буряадтамнай ажалаа ябуулха. Буряад Уласай хүүгэдэй эмнэлгын газарта Алас Дурнын тойрогой III хуралдаан эмхидхэгдэхэнь.
Үндэр уулата Ахын аймагай Өөрлигэй дунда һургуулиин буряад хэлэнэй болон уран зохёолой багша Бүхэроссиин хэмжээнэй мэргэжэлтэ урилдаанда хабаадаха эрхэдэ хүртэбэ. Арюна Буяндэлгэровна Иванова «Түрэл хэлэнэй болон уран зохёолой эрхим багша» гэһэн урилдаанда хабаадана.
Сентябриин 11-һээ 18 болотор Ставрополиин хизаарта «Түрэлхи хэлэ ба уран зохёолой эрхим багша» гэһэн бүхэроссиин конкурс үнгэржэ байнхай.
Буряад Уласай Толгойлогшо Алексей Цыденов Алас Дурные ба Арктикые хүгжөөхэ Корпорацитай Хяагтада ашаа тээбэри зөөлгын-эд хэрэгсэлэй шэнэ терминал байгуулха тухай хэлсээ баталаа.
«Буряад орондо бүтээгдээ» гэһэн үзэсхэлэн ВЭФ-2022 хуралдаанай үедэ Алас Дурнын Гудамжада дэлгэгдээ. Республикын 30 үйлэдбэрилэгшэд болон урашуул 500-һаа үлүү зүйлнүүдые олоной һонорто табиһан байха юм. Алас Дурнын ба Арктикын хүгжэлтын сайд Алексей Чекунков павильондо ерэжэ, үзэмжэтэй танилсаа.
Буряадай компанинууд Бүхэроссиин «Жэлэй экспортёр» урилдаанай тойрогой шатада шангай 11 һуури эзэлээ.