Һаяхана Улаан-Үдэ хотын Түбэй стадион дээрэ Буряад орондо ажаһуудаг Ага нютагаархид сугларжа, тамирай тэмсээ эмхидхэбэ. Һүүлэй үедэ жэл бүри үнгэргэгдэжэ, заншалта болоод байһан энэ найрта тойрогой һуурин, тосхон бүхэнһөө гараһан зон эдэбхитэйгээр хабаадаа. Энэшье удаа 24 нютагай мянга хоёр зуу гаран хүн тэмсээнэй талмай дээрэ гараба.
Майн 17-до Россиин Юрэнхылэгшэ Владимир Путин VIII Экспо үзэсхэлэн нээбэ. «Хамтын ажал, хоёр талын этигэл ба арга боломжонууд» гэһэн уряа үгэнүүд доро эмхидхэгдэһэн үзэсхэлэн орос- хитад гадаадын харилсаанай байгуулагдаһаар 75 жэлэй ойдо зорюулагдаа.
Буряад Уласта Бүхэроссиин «Жэлэй эрхим бүлэ» конкурсын ню¬таг можын шата үнгэргэгдэбэ. Кон¬курсын түгэсхэлэй шатада хабаадаха 5 бүлэ тодорхой¬логдоо. Дүн хамта уласай 53 бүлэ тэм-сээндэ хабаадаа.
Буряад Улас «Байгал. Буряад орон. Хүсэ шадалай газар» гэжэ нэрлэгдэһэн сэсэгүүдэй экспозици «Ерээдүймнай сэсэгүүд соо» (6+) фестивальда табигдаба. Сэсэгүүдэй фестиваль майн 21-һээ июлиин 8 болотор «Россия» үзэсхэлэн-хуралдаанай шугамаар эмхидхэгдэнэ. ВДНХ-гай нэгэ талмай дээрэ Россиин бүхы нютаг можонуудай 89 композици дурадхагдаха.
Байгша ондо тамирай шэнэ 3 танхим бодхоохо түсэб бии. Энэ хэрэгтэ холбоото уласай ба нютаг можын бюджедүүдһээ 153,06 сая түхэриг шэглүүлэгдэхэ.
Байгша оной майн 9-һөө июниин 7 болотор буддын шажанай заншалта “Буянта һара” үргэлжэлхэнь. Һүзэгшэд энэ үедэ мяханһаа ба архи тамхинһаа арсан масагладаг, бисалгадаг, маани тарнинуудые уншажа, нангин газарнуудые гороолдог г.м. дэмбэрэлтэ хэрэгүүдые үйлэдэжэ, буян хуряадаг заншалтай. Тэдэнэй тоодо шоргоол¬зонуудые хооллуулхань хүнэй хуби заяанда ехэ һайн нүлөөтэй: шоргоолзонуудые хүндэлжэ эдеэлүүлһэн хүнэй наһан утадхагдажа, буян хэшэг үршөөгдэдэг.
Майн 10-да газаа хүйтэншэг, шиигтэй нойтон, һалхитай байгаа. Харин иимэ уларил велосипедээр ябагшадта тон тааруу. Ивалгын аймагһаа Сэлэнгын аймагай Гусиноозёрск хото хүрэтэр «Илалтын километрнүүд - дэлхэй нацизмгүй» гэһэн уряа доро заншалта болоһон вело- гүйлгэлдөөн үнгэрөө.
Дабтагдашагүй һайхан хатарнуудаараа суутай “Лотос” ансамбль байгуулагдаһаар 45 жэл байгша ондо гүйсэнэ. 1979 ондо Буряад Уласай ба Оросой Холбоото Уласай соёлой габьяата хүдэлмэрилэгшэ, Россиин соёлой габьяата ажаябуулагша, Оросой Холбоото Уласай Засагай газарай шангай лауреат, Буряадай гүрэнэй арадай дуу болон хатарай «Байгал» театрай захирал Дандар Бадлуевай ударидалга доро зүүн зүгэй арадай хатарнуудай «Лотос» гэһэн ансамбль бии болоһон юм.
«Түрэhэн нютагhаа hайхан газар үгы, гэрэйнгээ хорёоhоо гараад лэ, гараа үргэхэдэшни, хэншье байг, хүрэхэ газарташни хүргэхэ», - гээд лэ, ходо хэлэжэ байдаг, амандаа золтой абамнай майн 9-эй үдэр ёhотойл дээрэ гараа үргэжэ, халуунаар альга ташахаар найрта хабаадаба гээд, дайнай ара талын ветеран Цымжит Ринчинович Цыбеновэй түрэлэйхид мэдүүлбэ.
Буряад Уласта хабарай тарилгын ажалнууд захалаа. Буряадай Толгойлогшо Алексей Цыденов Зэдын аймагай «Наследие» гэжэ хизаарлагдамал үүргэтэй эмхидэ түрүүшын бураздаа хахалалгада хабаадаба.
Эсэгэ ороноо хамгаалгын Агууехэ дайнда Илалтын туйлагдаһаар 79 жэл гүйсэбэ. Майн 9 – арад зоной эблэрэн нэгэдэжэ, асари ехэ баатаршалга гаргаһанай һүлдэ болоһон нангин удха шанартай һайндэр.
XX зуун жэлэй эгээл шуһата дэлхэйн хоёрдохи дайн 3 жэлэй, 10 һарын, 18 үдэрэй туршада (1418 үдэр) үргэлжэлһэн түүхэтэй.
Илалтын 79 жэлэй ойе угтуулан, хаа-хаанагүй дурасхаалай хэмжээ ябуулганууд үнгэргэгдэнэ. Эсэгэ ороноо хамгаалгын Агууехэ дайнда хабаадаһан, амгалан байдалай нара асарһан ветеранууд, ара талада аһан шадалаараа хүдэлһэн аба эжынэр жэлһээ жэлдэ үсөөн болоно. Тиихэдэ дайнай үедэ арба наһатай, арба хүрөөшьегүй үхибүүд ябаһан зон мүн лэ үндэр наһатайнууд болонхой.
ХХ зуун жэлэй тэндэ һүжэрһэн, бүмбэрсэгые хүлгүүлһэн дэлхэйн 2-дохи дайн эхилжэ, амитан зондо амаргүй ехэ гай гасалан асарһан түүхэтэй.
Бүхэроссиин «Алас Дурна - уршагта ябадалнуудай газар» гэһэн конкурсын 2-дохи хаһада хабаадаха захяануудые декабриин 30 болотор эльгээхэдэ болоно. Алас Дурнаар аяншалга тухай эрхим фильм 3 сая түхэригэй шанда хүртэхэ.
Харгын аюулгүйе сахиха талаар Буряадай Толгойлогшын дэргэдэхи комиссиин зүблөөн һаяхана үнгэргэгдэбэ. Буряад Уласай Дотоодын хэрэгүүдэй яаманай ГИБДД-гэй Хүтэлбэриин дарга Леонид Минаевай мэдээсэһээр, 2023 оной туршада архи ууһан 7,8 мянган жолоошон баригдаһан байна. Тэдэнэй 1,2 мянганиинь һогтуугаар дахин баригдаа. 374 авто- унаа хэрэглэхэ хорилто оруулагдаа, 266 автомобиль гүрэндэ хуряагдан абтаа.
Хүүгэдэй сэсэрлигүүдэй шабинарай дунда буряад хэлээр олимпиада үнгэрһэн долоон хоногто боложо түгэсэбэ. Буряадай ниислэлэй 18 үхибүүн хабаадаһан байна.