Республиканска оперативна штабай зүблөөндэ COVID-19 үбшэнэй шэнэ «омикрон» штаммые оруулхагүйн болон дэлгэрүүлхэгүйн тула һэргылэмжын хэмжээ ябуулгануудые шангадхаха шиидхэбэри абтаа. Үйлэдбэринүүдтэ болон эмхи зургаануудта, наймаанай болон хангалгын газарнуудта оролгын шалгалта- «фильтр», ариг сэбэрые сахиха гурим, түргэн хүдэлсын бүлгэмүүдэй талаһаа хиналтын ажалнууд болон бэшэшье һэргылэмжын хэмжээ ябуулгануудта онсо анхарал хандуулагдаха юм.
Республиканска оперативна штабай зүблөөнэй дүнгүүдээр Буряад Уласай Толгойлогшын Зарлигта хэдэн хубилалтанууд оруулагдаа.
Буряадай Толгойлогшо Алексей Цыденов «Государственная транспортная лизинговая компания» (ГТЛК) эмхиин захирал Евгений Дитрихтэй зүблөө үнгэргэбэ.
Байгша оной январиин 17-до Буряад Уласай Толгойлогшо Алексей Цыденов Засагай газарай мэргэжэлтэдтэ малай эмшэдые шагнаха талаар дурадхалнуудые оруулхыень даалгаба.
2021 оной һүүл багаар Хяагтын аймагта малай “нодулярный дерматит” гэжэ нэрэтэй үбшэн һүжэрбэ. Тиигэжэ уласай табан аймагта онсо байдал соносхогдонхой. Нэрлэбэл: Хяагтын аймагта Усть-Киран, Бурдуны, Бэшүүрэй аймагта Билютай нютаг, Мухар-Шэбэрэй аймагта Усть-Алташа, Подлопатки, Черноярово, Суулга, Тарбагатайн аймагта Барыкино, Ивалгын аймагта Доодо Ивалга. Нэрлэгдэгшэ нютагуудһаа мяха, сагаан эдеэ гаргахань хорюултай, эндэ тэндэ шалгалтын пунктнууд табигданхай. Мүнөө малай эмшэд “унаһан малгайгаа абаха сүлөөгүй” эдэ табан аймагай үбшэндэ дайрагдаагүй малда тарилга хэжэ байна. Буряад Уласай Ветеринариин хүтэлбэриин дарга Эрдэм Сангадиевтай уулзажа, асуудалнуудые табиһан байгаабди.
Январиин 9-дэ Буряад Уласай Толгойлогшо Алексей Цыденов Хяагтын аймагай 14 наһатай Саша хүбүүнэй Шэнэ жэлэй хүсэлыень бэелүүлхын тула тэрээнтэй уулзаба.
Юрий Трутнев: «Алас Дурнада айхабтар гоё газарнууд бии – Камчатка, Примориин дайда, Байгал»
Бүхэроссиин «Ёлка желаний» гэһэн хэмжээ ябуулгын ашаар эрэмдэг бэетэй үхибүүдэй Шэнэ жэлэй гуйлтанууд бэелүүлэгдэнэ. Тэрэ тоодо Калининградска можодо ажаһуудаг басаганай Байгал далай хүрэхэ гэһэн хүсэл. Ородой Холбоото Уласай Засагай газарай Түрүүлэгшын орлогшо – Россиин Юрэнхылэгшын Алас Дурнадахи бүрин эрхэтэ түлөөлэгшэ Юрий Трутнев энэ хүсэлыень дүүргэхэ юм.
Шэнэ жэлэй январиин 1-дэ Буряадай Толгойлогшо Алексей Цыденов «Уласай перинатальна түб» гэһэн эмхи хүрэжэ, Шэнэ жэлэй һүни түрэһэн эхэнэрнүүдые амаршалаа. Энэ хугасаада Буряад орондо 9 үхибүүд түрөө, тэдэнэй 3-иинь - хүбүүд, бэшэниинь – басагад.
Ородой Юрэнхылэгшэ Владимир Путин Улаан-Үдэдэ инфекционно больница бариха арга боломжонуудые хараха тухай даабари үгөө.
2022 он яһала шэрүүнээр орожо ерэбэ. Ази түбиин эгээл томо гүрэнүүдэй нэгэн Казахстан Уласта амаргүй ехэ үймөөн боложо байна.
Хоёр жэлэй хугасаада дэлхэйе орёоһон халдабарита ковид үбшэн хабшуураа табинагүй. Ахын аймагай эмшэд ажаһуугшадтаяа энэ хүнгэн бэшэ сагые хамтаран дабажа байнхай. Энээн тухай аймагай засаг дарга Матвей Валентинович Мадасов хөөрэжэ үгэбэ.
Декабриин 24-дэ Россиин Юрэнхылэгшэ Владимир Путинай пресс-ху ралдаанда «Тивиком» телекомпаниин сэдхүүлшэн Ася Касьянова халда барита үбшэнэй эмнэлгын шэнэ байшан бариха тухай асуудал табяа
Буряадаймнай «Баргажан» гэһэн авиакомпани аяншалагшадые вертолёдто һуулгажа, байгаалиингаа гоё һайханиие харуулха түсэл зохёобо.
Буряад Уласта адуу үсхэбэрилгэ онсо һуури эзэлдэг. Уласай бүхы ажахынуудаар хамта дээрээ 80 мянган толгой адуун тоологдоно. Тиин статистикын мэдээгээр, хүдөө ажахын энэ һалбаряар Яруунын, Захааминай, Хэжэнгын, Ахын аймагууд түрүүлнэ. Һаяын жэлнүүдтэ адууһанай тоо нэмэхэ шэнжэтэй болонхой. Юунһээ боложо үдэхэ шэнжэтэйб, адуушанай ажал хэр хүндэтэйб гэһэн асуудалнуудаар адуун ажахые һайн мэдэхэ Далай Галсановтай хөөрэлдөөн.
Д.Ц. Галсанов Яруунын “Үльдэргэ” СПК-да олон жэлдэ ажаллаһан, Буряад Уласай Хүдөө ажахын болон хоол хүнэһэнэй яаманда табан жэлэй туршада түшэмэл байһан юм, мүнөө тэрэ малай үүлтэр һайжаруулха талаар гүрэнэй албанай дарга.
Һаяхана Буряад Уласай Хүдөө ажахын яаманай сайд Галсан Дареев түрүүтэй Буряадаймнай бүлэг малшад ажалайнгаа хэрэгээр Удмурт Улас, мүн Новосибирскын хизаар хүрэжэ ерэһэн байна. Буряадай малшад холын нютагаар аяншалхадаа, тэндэхи ажахынуудай түрүү онол аргануудые халан абаха, ажалдаа хэрэгтэй шэнэ юумэ олохо гэһэн зорилготой ябаа. Тус бүлэгтэ Буряадаймнай дүршэлтэй малшадтай суг һая эхилжэ байһан хүдөө ажалшад оролсоһон байна. Түрүүшүүлэй дүршэл халан абажа ерэһэн малшаднай һү үйлэдбэрилдэг һалбарида ажалладаг юм гэжэ тэмдэглэнэбди.
Буряадай гүрэнэй ехэ һургуули багшын шэглэлээр һураха оюутадай тоо нэмэбэ. Тиин 50 оюутад түлбэригүйгөөр һурахаһаа гадна, һара бүри 3 мянган түхэригэй стипенди абажа байхаар түсэблэгдэнэ.
Ородой Холбоото Уласай Засагай газарай Түрүүлэгшын орлогшо, Алас Дурнын федеральна тойрогто Юрэнхылэгшын бүрин эрхэтэ түлөөлэгшэ Юрий Трутнев албанай хэрэгээр Буряад Улас ерэжэ, декабриин 16-ай үдэр аяншалга хүгжөөхэ талаар зүблөө үнгэргөө. Эндэ регионой аяншалгын һалбари хүгжөөлгын шухала асуудалнуудые яажа шиидхэхэб гэжэ хэлсэгдээ. Мүн Буряад орондо бэелүүлэгдэхэ аяншалгын инвестиционно түлэбүүд бүрин эрхэтэ түлөөлэгшэдэ харуулагдаа.
Үшөө харуулха