Буряад Уласай эрхим түрүү ажахынуудай нэгэн болохо Яруунын аймагай «Yльдэргэ» гэжэ хүдөө ажахын үйлэдбэриин кооперативта жэнхэни буряад үүлтэрэй моридые, сагаан толгойто казах эбэртэ бодо мал ба «Бүүбэй» гэhэн урдын буряад хонидые үдхэдэг.
Ноябриин 18-да Буряад Уласай Засагай газарай зүблөөнэй танхим соо Хүдөө ажахын ажалшадай һайндэртэ зорюулагдаһан баярай хэмжээн үнгэрөө.
Буряад Уласай Толгойлогшо Алексей Цыденов Федеральна харгын агентствын хүтэлбэрилэгшэ Роман Новиковтой региональна, аймагууд хоорондын болон нютагуудай авто-унаагай харгы замуудай хүгжэлтын болон тэдээн дээгүүр хэмэл түхеэрэлгэнүүдэй табигдаха 2023–2027 онуудай табан жэлэй түсэбэй меморандум баталаа. Энэ хэлсээн XVI уласхоорондын «Россиин транспорт» хуралдаанай болон үзэсхэлэнгэй Москвада үнгэрхэ үедэ баталагдаа.
Ноябриин 18-да Москваһаа бүлэг мэргэжэлтэд ерэжэ, хаана фильм буулгаха газараа тодорхойлоо. Нэн түрүүн Сэлэнгын аймаг, удаань Мухар-Шэбэрэй, Байгал шадарай, Баргажанай аймагууд руу хүрөө.
Сэрэгэй тусхай хэмжээ ябуулгада хабаадажа байтараа, гвардиин сержант Артур Гундуев тархи руугаа буудуулаа һэн.
Гэрэлтэ дурасхаалдань - геройн нэрэ
Ниигэм
24 nov
Буряад хэлэнэй габшагай һарын гаршаг доро үнгэргэгдэдэг «Үндэһэн хэлэнэй үлзы хэшэг» гэжэ урилдаанда «Буряад Уласай соёлой эрхим эмхи» шэглэлдэ хүүхэлдэйн «Аянша» гэһэн нүүдэл театр илажа гараһан юм. Эгээл жаахан харагшадта зорюулан зүжэгүүдые табижа, тэдэнэй һонирхол, дура буляажа шадаһан нүүдэл театр анхан байгуулагдаһаарнь тэбхэр 5 жэл үнгэрбэ. Хүүхэлдэйн «Үльгэр» театрта 30 гаран жэлэй туршада ажаллажа ябаһан Буряад Уласай арадай зүжэгшэн Эржена Дамбаевна Будажанаева-Будаева тус театр байгуулаад, амжалтатай ажаллана.
Амаралтын нэгэ үдэр хубиин хэрэгээр аха нүхэр Бадмажаб Гындынцыреновтэй хөөрэлдэхэеэ гэртэнь хүрэжэ ошобоб. Тиихэдэмни тэрэ газаагаа буряад-монгол гэр заһабарилжа байба. Яагаа гоё соохор үнгэтэй хушалтатай гэр гээшэб гэжэ һонирхобоб.
-Аа, энэ Донбасс эльгээгдэхэ гэр түхеэржэ байнаб даа, - гэбэ Бадмажаб Валерьевич.
Мүнɵɵдэр манай хойморой хүндэтэ айлшан - Мардваев Намжил Бадмаевич, «Россиин хүдɵɵ ажахын түб» гэhэн гүрэнэй албанай Буряад Уласта таhагай хүтэлбэрилэгшэ, Ородой Холбоото Уласай агропромышленна комплексын Хүндэтэ хүдэлмэрилэгшэ, Буряад Уласай агропромышленна комплексын габьяата хүдэлмэрилэгшэ, хүдɵɵ ажахын эрдэмэй кандидат, профессор.
Үнгэрһэн долоон хоногой эсэстэ 16 наһа хүрөөдүй барилдааша хүбүүдэй дунда бүхэроссиин мүрысөөн үнгэргэгдэбэ. Буряадай түүхэдэ алтан үзэгөөр нэрэеэ бэшүүлһэн Сергей Жалсанович Замбаловай мүнхэ дурасхаалда тус хэмжээ ябуулга зорюулагдаа.
«Эхэ хэлэн – манай баялиг» гэһэн Бүгэдэ Буряадай һургуулинуудай хоорондохи наадам 2 жэлэй хорилготой сагта дистанционно аргаар үнгэргэгдэжэ байгаа. Байгша оной ноябриин 11-дэ дахяад Ивалгын дасанда, Буддын шажанай «Даши Чойнхорлин» гэжэ ехэ һургуулиин танхим соо 160-аад үхибүүд 47-дохи наадамдаа дахинаа суглараа. Буряад Уласай Засагай газарай Захиргаанай мэдээсэлэй хороон ээлжэтэ наадамые даажа абаа.
Ерэхэ амаралтын үдэрнүүдтэ Ород гүрэн дотор үбэлэй халаан эхиеэ абахань. Хакаси Уласай Вершина Тёи гэһэн хадалиг газарта Ородой Кубогта хүртэхын түлөө мүрысөөнэй 1-дэхи шата үнгэргэгдэхэнь. Буряадай түрүү санашад тэндэ хабаадаха байһанаа мэдүүлээ.
Буряад Уласай ниислэл Улаан-Үдэ хотын эгээл томо дурасхаалай нангин газарнуудай нэгэн гэхэдэ Илалтын хүшөөгэй комплекс болоно. Һаяхана танк хүшөө табигдаһаар 55 жэл гүйсэбэ. Тус хэмжээ ябуулга аяар холын 1967 оной ноябриин 5-да эмхидхэгдэһэн түүхэтэй.
Һургуулиин һурагшадые халуун эдеэгээр хангаха тухай асуудал Буряад Уласай Арадай Хуралай Зүблэл дээрэ хэлсэгдэбэ. Буряад Уласай болбосоролой ба эрдэм ухаанай яаманай сайд Валерий Поздняков «Болбосорол» хуулиин бэелүүлэгдэжэ байһан тухай элидхэл хэхэдээ, энэ талаар тодорхой мэдээсэл үгөө.
Ородой Холбоото Уласай Засаг газарай Түрүүлэгшын орлогшо –Алас Дурнын тойрогоор Юрэнхылэгшын бүрин эрхэтэ түлөөлэгшэ Юрий Трутнев Буряад ороноор албанай хэрэгээр ябахадаа, республиканска кадетскэ интернат-һургуули хүрэбэ.
Алас Дурна зүгэй федеральна тойрогой мүрысөөндэ Буряадай шатаршад 31 медальтай гэртээ бусахань.
Ородой Кубогта хүртэхын түлөө мүрысөөн заншалта ёһоороо Екатеринбург хотодо эмхидхэгдэнэ. Тэндэ Буряадай тамиршад олон жэлэй хугасаада амжалта туйлана.
Энэшье удаа тэдэ 13 медаль абажа шадаа.
Мүнөө үеын ниигэмэй эгээл хүндүүлхэй үбшэнгүүдэй нэгэн «номофобия» гээд нэрлэгдэдэг. Энэ телефонгүй үлэхэhөө айдаг ябадал хүгшэн залуу, эрэ эхэнэр, хүүгэд илгаагүй бүхы хүнүүдые сарадаг гэжэ эли. Статистикын мэдээгээр, дэлхэйн 10% ажаhуугшад телефонhоо ехээр дулдыдадаг, 70% зон телефонтоёо оройдоошье хахасадаггүй.
Эрдэмтэдэй шэнжэлэлгээр, «номофобия» үбшэн хүнэй бэедэ ба ухаан бодолой талаар хорото нүлөө үзүүлдэг. Илангаяа үхибүүдэй ургажа байhан бэе махабадта аюултай.
Бидэ уншагшадта хандажа, ямар аргаар үхибүүдээ мобильна телефонhоо дулдыдахаhаань хамгаалдаг тухай асуулта үнгэргэбэбди.
Ерээдүйн 2023 оной болон саашанхи 2024 болон 2025 онуудай бюджет Буряад Уласай Арадай Хуралай ехэ танхим соо ноябриин 8-да хараалагдаа.
Эдэ үдэрнүүдтэ Росси дотор эгээл түрүүшынхиеэ Буряад Уласай ниислэл хотодо Эрхүү можын, Яхадай ба Алас Дурнын Владивосток хотын заншалта эмнэлгын аргашад зүү хадхалгын мэргэжэлээр аккредитаци гараба.