Түнхэнэй аймагай Шэмхын интернат-һургуулиин ажабайдал тухай хөөрөөгөө үргэлжэлүүлхэмнай. Һуралсалай тус гуламтада түрүүшын скалодром тогтоогдоо. Һурагшад уһанда тамарха зүйлнүүдээр ябажа туршана. Хэгдэжэ байһан хамаг ажал оршон тойронхи байгаалидаа гамтайгаар хандаха хэрэгтэ нүлөөлнэ.
Хүгжэм дуун хүнэйшье, амитадайшье, ургамалайшье – бүхы дэлхэйн байдалда сэгнэшэгүй һайн нүлөөтэй.
Монгол орониие шэнжэлэлгээр һурагшадай дунда уласай олимпиада үнгэрһэн долоон хоногто болоһон байна. Угсаата соёлой зүйлнүүдээр уласай олимпиадын тоодо оролсоно гээшэ.
Уласай олон шэглэлэй колледжын оюутадай бүтээлнүүдэй үзэсхэлэн-харалга эдэ үдэрнүүдтэ «Залуу» гэһэн мүнөө үеын урлалай түбэй дэргэдэ эмхидхэгдэнэ. Тус хэмжээ ябуулга һуралсалай гуламтын байгуулагдаһаар 40 жэлэй ойн баярта зорюулагдана.
Буряад ороной ногоон шэлбэһэтэ баялиг гал дүлэндэ абтажа эхилээ. Апрелиин 15-да Захааминай аймагай тайгада соробхилһон түймэр хоногой туршада сарагдаа.
Аяншалагшадые хүлеэн абамаар зунай аятай хаһа дүтэлбэ. Эгээл тиимэһээ Буряад Уласай Засагай газарта хиналтын эмхи зургаануудай, аймагуудай захиргаануудай, аяншалгын һалбарида ажал ябуулдаг олзын хэрэг эрхилэгшэдэй хабаадалгатай хуралдаан апрелиин 10-да үнгэрбэ.
Түсэлдэ хабаадагшад олзын хэрэг эрхилэлгын һуралсал гараха, тиин эрхим бизнес-һаналнуудай бэелүүлгэдэ 100 мянган түхэригэй мүнгэн дэмжэлтэ үгтэхэ.
«Эрдэмэй мүльһэ хахалагша» гэһэн эрдэмэй ба гэгээрүүлгын түсэлэй 5-дахи хаһа эхиеэ абаба. Түгэсхэлэй шатада гарагшад мүльһэ хахалагша атомна флодой 65 жэлэй ойдо зорюулагдаһан Хойто полюс руу арктическа экспедицидэ ошохо юм.
«Куйтунское» гэжэ хизаарлагдамал үүргэтэй бүлгэм Монголой малшадта ээлжээтэ туһаламжа үзүүлбэ. Ажахы обёостой 2, шэниисэтэй 4 машина эльгээгээ. Дүн хамта 150 тонно. Хэдэн тонно ашаа шэрэдэг үшөө нэгэ машина малшадта эльгээгдэхээр түсэблэгдэнэ.
«Навруз» гэжэ урданай һайндэр хабарай үдэрэй һүнитэй тэнсэлгэдэ ба астрологиин шэнэ жэлдэ зорюулагдана. Апрелиин 13-да Арадуудай хани барисаанай байшанда Буряад Уластахи Россиин арадуудай хани барисаанай гэр бүлын заншалнуудые харуулба.
Любовь Биликтуева үндэһэтэнэй «Бизнес - Амжалта» конкурсын гол шангуудай нэгэн болохо эмхидхэлэй хорооной тусхай шанда хүртэбэ. Олзын хэрэг эрхилэгшэд Екатерина Гаськова Анна Масличенко хоёр шангай ТОП-30 суперфиналда оробо. Конкурсын түгэсхэлэй шатада Россиин можо хизаарнуудһаа 100 гаран олзын хэрэг эрхилэгшэд хабаадаа.
«Оёдолой коворкинг түб» гэһэн түсэлэй авторнууд – соёлой үүсхэлнүүдэй Юрэнхылэгшын жасын грантын илагшад юм. Оёдолой, хубсаһа уранаар шэмэглэгшын ба хубсаһа найруулагшын мэргэжэлдэ түлөөһэгүйгөөр һурахыень Буряадай ажаһуугшадые тэдэнэр урина. Оёдолой ба хубсаһа шэмэглэлгын дүршэл мастерһаа һурагшада дамжуулха зорилго тэндэ табигдана. Эрхимүүд ажалда уригдаха юм.
Байгша оной мартын 18-да Оросой Холбоото Уласай соёлой габьяата хүдэлмэрилэгшэ, арадай гэгээрэлэй отличник, Агын Буряадай автономито тойрогой хүндэтэ эрхэтэн, «Хүндэлэлэй Тэмдэг» орденоор шагнагдаһан Дагба Ринчинович Ринчиновэй түрэһөөр 90 жэл гүйсэбэ.
Үнгэрһэн 2023 ондо Улаан-Үдэ хотын эдир тамиршадай арбан эрхимүүдэй тоодо Милена Гэн оролсожо шадаа. Олон жэлэй хугасаада түрүүшүүлэй тоодо ябалсаһан басагантай танилсая.
Түнхэнэй аймагай Шэмхын интернат-һургуули дүүргэһэн үхибүүд ажабайдалай хүнгэн бэшэ замда бэлэн гарана. Үшөө һургуулиин ябаад, тэдэ огород тарижа һурана, хониной нооһоор хубсаһанай элдэб зүйлнүүдые оёно, тамирайшье талаар һайн бэлэдхэлтэйнүүд юм. Байгаалидаа гамтайгаар хандаха хэрэгтэй гэжэ бага наһанһаань ойлгоод ябадаг болоно.
Манай үбгэ эсэгэнэр XVIII зуун жэлдэ малай хоол бэлэдхэлгын шэнэ арга - үбһэ сабшалга - хэрэглэжэ эхилһэн юм. Энээн тухай Вандан Юмсуновай түүхын бэшэгүүд соо тодорхойгоор бэшэгдэһэн.
Буряад Уласай малшад бодо малаа зохёомол аргаар үдхэжэ эхилбэ. Мухар-Шэбэрэй аймагай ажахыда пробирка соо болбосорһон табан тугал мүндэлөө.
Буряад зон хэлэнэйнгээ хэр байһан тухай хэлсэхэ дуратайл байдаг агша. Эндэ һаяхана мэдээжэ сэдхүүлшэ, уран шүлэгшэ Николай Шабаев имагтал энэ асуудалаар өөрынгөө һанамжа элирхэйлхэдээ, олондо мэдээсэл тараадаг хэрэгсэлнүүдэй, тэрэ тоодо манайшье сониной харюусалга тухай һануулаа. «Хэлэмнай мүнөө үедэ олондо мэдээсэл тараадаг хэрэгсэлнүүдтэ ямар янзаар хэлэгдэнэб, тэрэл хэбээрээ арад соогуур таража ошоно ха юм. Тиимэһээ тэдэ газарнуудай хүтэлбэрилэгшэдые, эрхилэгшэдые эхэ хэлэндээ гамтай хандажа, ажабайдалдаа зүбөөр хэрэглэжэ, арад түмэндөө жэшээ боложо ябаха нангин уялгаяа хэр зэргэ бэелүүлжэ байһан тухайгаа тоосожо байхаар уялгалха шухала», - гэжэ дурадхаһыень тодожо абан, һанамжа бодолнуудаа ниитэлхэмни гээшэ гү?
Буряад һайхан орондомнай үшөө нэгэ нютагта архиин зүйлнүүд наймаалагдахаяа болижо, улад зон элүүр энхэ байдалай түлөө улам оролдожо эхилбэ. Уласаймнай зүүн зүгтэ нэмжыһэн Яруунын аймагай Догно нютаг энэ хабарһаа «элүүр энхэ байдалай талмай» гээд нэрлэгдэбэ.