Майн 27-28-да Улаан-Үдын ФСК-да Ород, Монгол гүрэнүүдэй харилсаанда зорюулагдаһан ехэ уулзалга үнгэргэгдэхэнь. Иимэ хэмжээ ябуулга эмхидхэхэ тухай үүсхэл Буряадай Толгойлогшо Алексей Цыденов гаргаһан байна.
Буряад Уласай аймагуудай гулваанар албанайнгаа хэрэгээр Примориин хизаар ошоо. Аймагуудай засаг дарганарай иимэ олоороо сугларжа, анха түрүүшынхиеэ ондоо регионой ажабайдалтай танилсаа.
Эсэгэ ороноо хамгаалгын Агууехэ дайнай дүүрэһээр 77 жэл шууян үнгэрөө. Тэрэ дайнда хабаадаһан хүндэтэ ветеранууднайшье бултадаа шахуу хада гэртээ харяа. Мүнөө үедэ Илалтын һайндэртэ дайшалхы баатарнуудай үри һадаһад гэрэл зурагуудыень дээрэ үргэн барижа, “Хэтын жагсаалда” хабаададаг һайхан заншалтай болоо. Улаан-Үдэ хотын һунгамалнууд хэтын жагсаалда хабаадахадаа, үбгэн абанарайнгаа хуби заяан тухай богонихоноор манай уншагшадтай хубаалдаһан байна. Харамтайнь гэхэдэ, олонхи һунгамалнууд түрэлнүүдээ өөһэдынгөө нюдөөр хараха хубигүй байгаал даа. Дайнай газарта абаһан шархануудһаа боложо, эртүүр хада гэртээ хариһаниинь ойлгостой. Зарим зоной үбгэ эсэгэнэр гэртээшье бусаха заяагүй байгаа бшуу.
Монголой Сэлэнгын аймагай губернатор Нацагдоржийн Лхагвадорж болон олон түлөөлэгшэдһөө бүридэһэн делегаци албанайнгаа хэрэгээр Буряад Орон ерээ.
Буряад Уласай Толгойлогшо Алексей Цыденов Кабанскын аймагай Клюевка нютагта шэнэ һургуулиин байшанай баригдажа байһые шалгаба.
Апрелиин 27-до Улаан-Үдын Һунгамалнуудай зүблэл ээлжээтэ 32-дохи сессиеэ зарлаһан байна.
Майн 9-эй һайндэртэ зорюулан, Улаан-Үдэ хотын Һунгамалнуудай зүблэл урилдаа соносхобо.
Инна Ивахиновае Арадай Хуралай Залуушуулай бодолгын хорооной түрүүлэгшээр һунгаба. Нюуса һунгалта Арадай Хуралай ээлжээтэ зүблөөндэ болобо. 50 һунгамал Инна Ивахиновагай түлөө дуугаа үгөө, 6-иинь тэрэнэй кандидатура дэмжэбэгүй.
Хүдөө үйлэдбэриин эмхинүүдтэ гүрэн түрын талаһаа 900 сая түхэриг туһаламжа үзүүлэгдэхэ. Энээн тухай Буряад Уласай Толгойлогшо Алексей Цыденов сэхэ хуралдаанай үедэ дуулгаба.
Буряадай Засагай газарай Түрүүлэгшын орлогшо – Буряад Уласай Толгойлогшын ба Засагай газарай Захиргаанай хүтэлбэрилэгшэ Баир Цыренов экономикын ба эрхилэлгын дээдэ һургуулиин оюутадтай уулзаа. Тушаалта нюур дүй дүршэлтэеэ хубаалдахаһаа гадна, ажалда орохо болон тушаалдаа дээшээ дэбжэхэ арганууд тухай оюутадта хөөрэжэ үгэбэ.
Ородой Холбоото Уласай ахамад санитарна врач Анна Попова COVID-19 үбшэнэй дэлгэрһэн үедэ тогтоогдоһон гуримуудта һэлгэлтэнүүдые оруулба.
Росси гүрэндэ хэгдэһэн санкцинуудай ушарһаа Улаан-Үдэдэ авто-унаануудай заһабарилгын хэрэгсэлнүүдэй үнэ сэнгынь эгсэ дээшээ ниидэшоо
«Байкальский текстильный комбинат» гэһэн эмхи үйлэдбэриингээ хэмжээ дээшүүлхэ зорилготой.
Мартын 12-то хилээмэ үйлэдбэрилэгшэдтэй болон энэл шэглэлэй яамануудай сайдуудтай Буряадай Толгойлогшо зүблөө үнгэргөө.
Буряадай Толгойлогшо Алексей Цыденов сэнгүүдые тогтонижоруулха болон олзын хэрэг дэмжэхэ талаар штабай ээлжээтэ зүблөө үнгэргөө. Эндэ уласай үйлэдбэринүүдые, бага болон дунда олзын хэрэг эрхилэгшэдые дэмжэхэ нэмэлтэ хэмжээ ябуулганууд абтаа.
Олзо оршо багатай гэр бүлэнүүдтэ үндыжэ байһан 8-һаа 16 хүрэтэр наһатай хүүгэдтэ гүрэнэй талаһаа мүнгэн туһаламжа үзүүлэгдэдэг болохонь
Луганскын болон Донецкын Арадай Уласууд өөрын мэдэлтэй, эрхэ сүлөөтэ гүрэнүүд гэһэн зарлиг февралиин 21-дэ Россиин Юрэнхылэгшэ Владимир Путин гаргаа. Мүн тиихэдэ эдэ хоёр уласуудта сэрэгэй талаар туһа үзүүлхэ тухай хэлсээ баталаа. Урда үдэрынь болоһон зүблөөндэ Владимир Путин энэ асуудал тухай зүбшэн хэлсээ гээд һануулая. 2014 ондо амяарлагдаһан уласуудай Толгойлогшонор – ДНР-эй - Денис Пушилин, ЛНР-эй - Леонид Пасечник арад зонойнгоо эрхэ эндэ түлөөлөө.
Буряад Уласай Толгойлогшо Алексей Цыденов февралиин 16-18-ай үдэрнүүдтэ Баргажанай болон Хурамхаанай аймагуудта хүрэжэ, ажалаа ябуулһан байна. Энэ удаа Буряад Уласай Толгойлогшо Алексей Цыденов ниитын һалбариин эмхинүүдтэ хүрэжэ, хэрэгүүдтэйнь танилсаа. Баргажанай аймагай эгээл томо тосхонуудай нэгэн болохо Баргажанай Адагһаа ажалайнь үдэр эхилжэ, нютагай поликлиникэ, больницада үндэр тушаалтан айлшалаа.
Буряад орондо тусхай хэлсээгээр эмшэнэй мэргэжэлдэ һуража байһан оюутадые дэмжэхэ хэмжээнүүд абтанхай. 2022 оной сентябриин 1-һээ тэдээндэ һара бүри республиканска стипенди түлэгдэжэ байха.
Үшөө харуулха
