Буряад Уласта байгаали ашаглалгын болон оршон тойронхиие хамгаалгын «Бурприрода» эмхиин байгуулагдаhаар 17 жэл июлиин 15-да гүйсэбэ. Тус эмхиин мэдэл доро онсо харууhанай 13 заказнигууд, байгаалиин аяар 57 хүшөөнүүд, тэрэ тоодо олондо мэдээжэ Шумааг гэжэ парк, Байгалай эрье ороно. Эдэ бүгэдые жэнхэни ёһоорнь ариг сэбэрээр байлгаха гол зорилго даанхай гүрэнэй эмхиин дарга Алдар Зоригтуевич Цыбикмитовтэй хѳѳрэлдѳѳ эмхидхэбэбди.
Буряад орондо бага ба дунда олзын хэрэг эрхилэгшэдтэ гүрэнэй дэмжэлгын шэнэ хэмжээнүүд абтаба. Тиин шэнэ түхеэрэлгэнүүдые абахада, гаргашынь зарим хубиие хүсэлдүүлхэ мүнгэн туһаламжа үзүүлэгдэхэ юм.
Буряад Уласай Толгойлогшо Алексей Цыденовэй захиралтаар республикын нөөсэ жасаһаа нэмэлтэ мүнгэн зөөри ой тайга түймэрнүүдһээ хамгаалгада шэглүүлэгдээ.
Буряад Уласай Арадай Хуралай Түрүүлэгшэ Владимир Павлов олондо мэдээсэл тараадаг эмхинүүдэй түлөөлэгшэдтэ ээлжээтэ 24-дэхи сесси дээрэ зүбшэгдэhэн асуудалнууд тухай дэлгэрэнгыгээр хөөрэжэ үгэбэ.
Буряадай гүрэнэй ехэ һургуулида багшын мэргэжэлдэ хэлсээгээр һурадаг оюутадта уласай һан жасын зөөриһөө стипендииень нэмэхэ.
Баргажанай аймагай загаһашад бэрхэшээлнүүд тухайгаа гомдол бариба. Арадай Хуралай һунгамалнуудай албанай хэрэгээр тэрэ зүг руу ябахада, аймагай загаһашад омоли бариха хорюул тухай болоод хаб загаһанай, хойхо шубуунай элбэг болоһые дуулгаба.
Зэдын аймагай захиргаанай засаг дарга Валерий Шагжитаровтай хөөрэлдөөн
Буряад Уласай Толгойлогшые һунгалта 2022 оной сентябриин 11-дэ үнгэргэгдэхэ. Иимэ тогтоол Арадай Хуралай һунгамалнууд июниин 9-эй ээлжээтэ бэшэ сессидэ нэгэн дуугаар абаа.
Россиин Юрэнхылэгшэ Владимир Путинтай албанай уулзалгада Буряадай Толгойлогшо Буряад орондо оюутадай кампус байгуулгын хэмжээ ябуулгануудта дэмжэлгэ үзүүлхыень хандаа. Алексей Цыденов оюутадай кампус байгуулха тухай сэдхүүлшэдээр уулзалгада хөөрэжэ үгөө.
Хубиин гэрнүүдые зайн галаар дулаасуулгада оруулха асуудалнуудай шиидхэбэри түргэдүүлэгдэхэ. Энээн тухай сэдхүүлшэдтэ Буряадай Толгойлогшо хөөрэбэ.
Хурамхаанай аймагай түб Хурамхаан һууринда һургуулиин шэнэ байшан баригдажа эхилһээр, жэл болохонь.
«Орос-Монгол. Хоорондын харилсаан шэнэ байдалда» гэһэн ород-монгол форумой үедэ агропромышленна һалбариин харилсаануудта зорюулагдан, панельнэ сесси үнгэргэгдөө. Эндэ хүдөө ажахын талаар харилсаануудай гол шэглэлнүүд хэлсэгдээ. Мүн баһа панельнэ сессидэ хабаадагшад аралжаа наймаанай харилсаануудые һайжаруулха талаар асуудалнуудые тодорхойлоо.
Майн 27-28-ай үдэрнүүдтэ Улаан-Үдэдэ «Росси-Монгол. Хоорондын харилсаан шэнэ байдалда» гэһэн Уласхоорондын форум нээгдээ. Эндэ худалдаа наймаагаа үргэдхэхэеэ, аралжаа наймаанай удаан болзорой хэлсээ баталхаяа, шэнэ партнёрнуудые бэдэрхэеэ Россиин ба Монголой олзын хэрэг эрхилэгшэд суглараа. Форумой эхиндэ үзэсхэлэн дэлгэгдээ, түрүүшын панельнэ сесси үнгэрөө.
Оросой Холбоото Уласай Юрэнхылэгшэ Владимир Путин Буряадай Толгойлогшо Алексей Цыденовтэй ажалай уулзалга үнгэргэбэ. Видеоконференц-холбоо тогтоохо үедөө уласаймнай толгойлогшо элдэб шухала асуудалнуудаар хөөрэлдөө үүсхээ.
Уласхоорондын «Росси-Монгол хоорондын харилсаан шэнэ байдалда» гэһэн форумдо хабаадахаяа онлайн аргаар мэдүүлгэнүүд албан ёһоной https://rmforum.ru/ сайт дээрэ нээгдээ.
Монгол гүрэнэй 200 гаран компаниин түлөөлэгшэд форумой ажалда хабаадаха.
Буряад Уласай тамирай болон залуушуулай хэрэгүүдэй талаар сайдай орлогшоор, бэе махабадай соёлой болон тамирай хорооной түрүүлэгшээр Эрдэм Биликтуев томилогдобо. Энээн тухай зарлиг майн 23-да баталагдаба
Буряад орон федеральна һан жасаһаа 125,5 сая түхэриг абаха. Энэ мүнгэн зөөри Россиин Юрэнхылэгшэ Владимир Путинай даабаряар эмнэлгын реабилитаци үргэдхэхэ түлэб бэелүүлгэдэ шэглүүлэгдэхэ юм.
Үлэгдэлнүүдые хадагалха газар Селенгинскдэ баригдаха юм. Энэ асуудал тогтоогдоһон гуримаараа шиидхэгдэнэ. Энээн тухай Буряадай Толгойлогшо Алексей Цыденов дуулгаба.