Хүүгэдэй сэсэрлигүүдтэ буряад хэлэ заадаг багшанарай болон хүмүүжүүлэгшэдэй дунда мэргэжэлтэ урилдаанууд 2019 онһоо хойшо эмхидхэгдэнэ. Һаяхана Улаан-Үдэ хотын урилдаан боложо, түрүү һуури эзэлһэн багшанар уласай шатада хабаадаха эрхэдэ хүртэһэн байна. Гол шан - Гран-придэ 111-дэхи «Дашенька» сэсэрлигэй багша Евгения Бадмаева хүртөө.
Буряад Уласай тамирай элитэ һоригшо, олзын хэрэг эрхилэгшэ, меценат, «Буряадай Третьяковка» гээд алдаршаһан түрүүшын үмсын музей-галерей байгуулагша Лев Львович Бардамов 25 жэлэй туршада түүхын дурасхаалта эрдэнитэ баялигуудые суглуулжа, гайхамшагта үзэсхэлэнгүүдые олоной һонорто дурадхадаг.
Гомбо Цыдынжаповай нэрэмжэтэ Буряадай Оперо болон баледэй театрай лирическэ сопрано хоолойтой дуушан, Пётр Чайковскиин нэрэмжэтэ уласай урлалай колледжын багша Елена Мохосова түрүүшынгээ томо тоглолто түрэл театрайнгаа тайзан дээрэ майн 19-дэ табихань.
М.К. Аммосовой нэрэмжэтэ Зүүн-Хойто Федеральна университедэй эмхидхэлээр Ород Уласай үндэһэн арадуудай «Түрэл хэлэн болон уран зохёол» гэһэн шэглэлээр 3-дахи олимпиада һаяхана түгэсэбэ. Һургуулиин һурагшадай дунда үнгэргэгдэһэн тус олимпиада 2 шатаһаа бүридэһэн байгаа. Түрүүшын шата 2023 оной ноябриин 10-һаа байгша оной январиин 14 болотор үргэлжэлөө. Харин һүүлшын 2-дохи шатань хабарай эхин һарын 2-то боложо дүүрэһэн байна. Энэ жэлдэ эмхидхэгдэһэн олимпиадада Буряад Уласай, Усть-Ордын болон Агын Буряадай тойрогуудай һургуулиин һурагшад хабаадалсаба. Д.Банзаровай нэрэмжэтэ Буряадай ехэ һургуулиин Буряад хэлэнэй болон уран зохёолой дээдэ һургуулиин багшанарай оролдолгоор иимэ арга олгогдобо. Бүхыдөө тус һуралсалай хэмжээ ябуулгада 45 үндэһэ яһатан түрэл хэлэнэйнгээ болон уран зохёолойнгоо талаар эрдэм мэдэсэеэ шалгаба. Д.Банзаровай нэрэмжэтэ Буряадай ехэ һургуулиин Буряад хэлэнэй болон уран зохёолой дээдэ һургуулиин захирал, политическэ эрдэмэй кандидат, доцент Гарма-Ханда Цыбикжаповна Гунжитоватай хөөрэлдэбэбди.
Баир Хамаев Буряадтаа мэдээжэ хүгжэмшэн, дуушан юм. Гушан гурбан нууртай Яруунын аймагай Иисэнгэ нютагта түрэһэн. Буряад арадтаа мэдээжэ олохон дуунуудай автор Баир Булатович энэ һарын 27-до Хоца Намсараевай нэрэмжэтэ Буряад драмын театрай ордон соо ээлжээтэ тоглолтоёо үгэхэнь. Энэ ушараар манай сурбалжалагша бэлигтэй бэрхэ дуушан, хүгжэмшэнтэй уулзажа хөөрэлдэбэ.
XX зуун жэлэй Россиин, Түбэдэй ба Буряад-Монголой буддын шажанай үндэр түрэлтэ лама санаартан, агууехэ эрдэмтэн, дипломат, гүрэнэй ба ниитын ажаябуулагша цанид-хамба лама Агван Лобсан Доржиевай түрэһөөр 170 жэл байгша ондо гүйсэбэ. Энэ ушараар Агван Доржиевай нэрэмжэтэ уласхоорондын жаса хүндэтэ хамба ламын дурасхаал мүнхэлхэ зорилготойгоор хүшөө бодхоохо хэрэг эхилбэ.
(Үргэлжэлэл. Эхиниинь урдахи дугаарта гараа)
Бүрхэг тэнгэриһээ саһан бударжа, һулаханаар һалхилаад, зам дээгүүрнай тооһорно. Бидэ шэнэ саһан дээрэ мүрнүүдээ гарган алхалнабди. Гүнсэмаа багша мэргэжэлтэй боложо ябаа. Тандал адли буряад хэлэнэй багша. Би инженер... Тэрэ үдэшэ Гүнсэмаатай хаанашье хүрэтэр алхалхаар бэлэн байһан мэдэрэл минии досоомни түрөө һэн.
Буряад Уласай Толгойлогшо Алексей Цыденов, Түмэр харгын унаагай холбоото уласай агентствын хүтэлбэрилэгшэ Алексей Дружинин Улаан-Үдэ хотодо апрелиин 17-до Северомуйскын тоннель барилгын асуудалаар суглаа үнгэргэбэ.
Улаан-Үдэдэ Буряад Уласай залуушуулай Засагай газарай түрүүшын суглаан үнгэрбэ.
Улаан-Үдэ хотые бог шоройһоо сэбэрлэлгын хэмжээ ябуулга үнгэргэгдэбэ. Сэсэрлигүүдые, гэрнүүдэй оршон тойронхиие, гудамжануудые сэбэрлэлгэдэ эмхи зургаануудай түлөөлэгшэд, хотын ажаһуугшад гараба. Субботнигто Буряадай Толгойлогшо Алексей Цыденов хабаадаа.
Улаан-Үдэ хотын хатарай «Алтан туяа» гэһэн студи уласхоорондын «Талаан бэлигтэйшүүлые нээнэбди» гэһэн харалга-фестивальда амжалтатай хабаадаба. Энэ үйлэ хэрэг Оросой Холбоото Уласай ниислэл Москва хотодо апрелиин 19-һөө 21 болотор үнгэргэгдөө.
«Үүрээр бодожо, шара улаахан сайнгаа дээжые орон нютагтаа үргэжэ, шэнэ үдэрөө эхилдэгбди», - гээд, багшын ажалай ветеран Сэсэг Дармаевна Дармаева хөөрөөгөө эхилнэ. Залитай залуу наһандаа тэрэ Александр Балданович Санжиевтай хуби заяагаа ниилүүлжэ, мүнөө болотор эбтэй эетэй, бэе бэедээ дулааханаар хандажа, баяр гашуудалаа хубаалдажа, амар амгалан ажаһууна. Хабарай арюухан эдэ үдэрнүүдтэ Александр Балданович Сэсэг Дармаевна хоёр гэр бүлэ болоһоор, 64 жэл болобо.
Бидэ, багшанарай колледжын 3-дахи курсын оюутад – Екатерина Пархаева, Эржена Аюшеева, «Мэргэжэлтэд» гэhэн чемпионадта хабаадажа, шангай 2-дохи hуурида гарабабди. Бидэниие hоригшо багша Лилия Михайловна Докичева шатануудтамнай туhалаа, ехэ дэмжэлтэ үзүүлээ.
Буряадай элитэ ехэ поэт Дондог Улзытуевай түрэһэн нютаг Шэбэртэдэ «Ая гангын орон» гэһэн музей-бууса байгуулагдаһаар 10 жэл гүйсэбэ. Тэрээниие хүтэлэгшэ Светлана Тогошиевна БАНЗАРАКЦАЕВАТАЙ хөөрэлдөө эрхилбэбди.
Түнхэнэй аймагай Шэмхын интернат-һургуулиин ажабайдал тухай хөөрөөгөө үргэлжэлүүлхэмнай. Һуралсалай тус гуламтада түрүүшын скалодром тогтоогдоо. Һурагшад уһанда тамарха зүйлнүүдээр ябажа туршана. Хэгдэжэ байһан хамаг ажал оршон тойронхи байгаалидаа гамтайгаар хандаха хэрэгтэ нүлөөлнэ.
Хүгжэм дуун хүнэйшье, амитадайшье, ургамалайшье – бүхы дэлхэйн байдалда сэгнэшэгүй һайн нүлөөтэй.
Монгол орониие шэнжэлэлгээр һурагшадай дунда уласай олимпиада үнгэрһэн долоон хоногто болоһон байна. Угсаата соёлой зүйлнүүдээр уласай олимпиадын тоодо оролсоно гээшэ.
Уласай олон шэглэлэй колледжын оюутадай бүтээлнүүдэй үзэсхэлэн-харалга эдэ үдэрнүүдтэ «Залуу» гэһэн мүнөө үеын урлалай түбэй дэргэдэ эмхидхэгдэнэ. Тус хэмжээ ябуулга һуралсалай гуламтын байгуулагдаһаар 40 жэлэй ойн баярта зорюулагдана.
Үшөө харуулха
