Хатуу шэрүүн уларилтай байгаалитай тала нютагта жэлэй дүрбэн сагта олон мянгаад толгой адуу малаа туугаад, шэнэ буусада нүүжэ ябадаг монгол туургата арадууд алишье талаар – дотор сэдьхэлээрээ, махабад бэеэрээшье тусгаар шанга бүхэ ба хүсэтэй угсаатан байһанаа гэршэлдэг.
Байгал шадарай аймагай Турка нютаг шадар «Байкальская рыбалка» гэһэн заншалта болоһон мүрысөөн үнгэрһэн амаралтын үдэрнүүдтэ олониие суглуулаа. Мүльһэн дороһоо загаһашалха дуратай зон олоороо суглараа. Бүхыдөө 1000 гаран хабаадагшад 200 гаран команда бүридүүлээ.
Эгсэ 70 жэлэй урда тээ, 1953 оной июлиин 27-до Солонгосой дайн дүүрэбэ гэжэ тунхаглагдаһан юм. Үйлын үреэр нэгэ арад хоёр анги боложо хубаараад, гурбан жэлэй туршада шуһата дай үүсхэһэн түүхэтэй. Хоёр можо боложо һалаһан арадые нэгэ талаһаань Америкын Холбоотой Штадууд дэмжэбэ, харин нүгөөдыень СССР гүрэн дүмэһэн бэлэй.
Бүгэдэ буряадай «Эрдэм» диктантын нэгэ талмай Улаан-Үдэ хотын 89-дэхи «Журавлёнок» сэсэрлигэй дэргэдэ зохёогдодог заншалтай. Энэшье удаа тэндэ 25 хүн сугларжа, мүнөө жэлэй диктант бэшэһэн байна.
Буряадай ниислэлдэ иимэ нэрэтэй урилдаан хоёрдохиёо үнгэргэгдэбэ. Тус хэмжээ ябуулгада хүүгэдэй сэсэрлигүүдэй болон һургуулинуудай театральна студинууд хабаадаа. Энэ удаа 9 һуралсалай гуламта зүжэгүүдээ дурадхаа.
Хабарай амаралтын урдахана Түнхэнэй аймагай Горхоной дунда һургуулиин шабинар уян һайхан хатарай хэмжээ ябуулгада хабаадаһан байна.
Түнхэнэй Үндэһэтэнэй хүреэлэндэ ан амитадые үбэлэй сагта тооложо бүридхэлгын хаһын дүнгүүд һаяхана согсологдобо. Байгаали хамгаалгын энэ дэбисхэр дээрэ тус ажал февраль һарада ябуулагдаа.
Хүн олон хэлэ мэдэхэдээ, хаанашье ябажа ядахагүй. Ород, буряадайнгаа хажууда англи, монгол, хитад хэлэнүүдые шудалбал, һайн байгаа гээд, багшанарнай хэлэдэг. Хүршэ оршоһон Хитадтай манай гүрэн һайн харилсаатай. Тэрэнээ улам батадхан хүгжөөхын тула 2024-2025 онуудта Ород- Хитад гүрэнүүдэй соёлой жэлнүүд үнгэргэгдэнэ.
Буряад ороноймнай аймаг бүхэнэй нютаг һууринуудаар эльгэ нимгэн, энхэргэн сэдьхэлтэй эхэнэрнүүд сугларжа, баруун тээ дайшалхы талмайда ябаһан хүбүүдтээ хубсаһа хунар, бээлэй болон бусад хэрэгтэй зүйлнүүдые оёно, бүхыгөөрөө туһалха гэжэ оролдоно. Сэрэгэй тусхай үйлэ хэрэгэй эхилһээр, нигүүлэсхы сэдьхэлэй уряатай хэмжээ ябуулганууд хаа-хаанагүй эмхидхэгдэнэ. Тэрэ тоодо Дамба-Даржаа Заяевай нэрэмжэтэ «Даши Чойнхорлин» гэһэн Буддын шажанай университедэй дэргэдэхи һайн дуратанай бүлгэм 2023 оной намарһаа хүн зоной суглараад оёхо дүрбэн газар байгуулаа.
Мартын 29-дэ ород хэлэнэй багшанарай дунда «Филологическая траектория - 2024» гэhэн мүрысѳѳ Буряад Уласай һуралсалай бодол нэбтэрүүлгын дээдэ hургуули (БРИОП) хоёрдохи удаагаа үнгэргэбэ.
Оросой Юрэнхылэгшэ Владимир Путин «Табан далай ба Байгал нуур» гэжэ жэлэй дүрбэн сагта хүдэлдэг амаралгын газарнуудые хүгжөөлгын түсэлэй асуудалнуудаар суглаа үнгэргэбэ. Суглаанай үедэ Буряадай Толгойлогшо Алексей Цыденов, Эрхүүгэй можын Толгойлогшо Игорь Кобзев жэлэй дүрбэн сагта хүдэлхэ амаралгын газар байгуулха түсэлэй бэелүүлгэ тухай мэдээсэбэ.
Ойн түймэр унтараадаг агаарай албанай сарагшад бэлдэлгэеэ түгэсэбэ. Ивалгын аймагта оршодог ДОСААФАЙ бэлэдхэл хэдэг тусхай газарта ойн хамгаалагшад һорилго гарана.
Хойто-Байгалай аймагай Ангоя нютагта hургуулиин ойн ажахы байгуулагданхай. Мүнөө тэдэнэр хабарай ажалда бэлдэжэ эхилээ. Ойн ажахын хүдэлмэрилэгшэд эдэ үхибүүд сооhоо ерээдүйн бэрхэ мэргэжэлтэд гараха бэзэ гэжэ найдана.
Эртэ урдын сагhаа Монголой «Баян» гэhэн газар «балин» гэжэ гайхамшагта эди шэдитэй шулуугаараа суурхадаг. Тэрэ шулуун эзэндээ мүнгэ зөөри, эд баялиг, дээдын засагай түлөөлэгшэдэй хайра аршалалта татадаг, орёо хэсүү бэрхэшээлнүүдэй үедэ зүб шиидхэбэри абахадань туhатай. Мүн лэ балин шулуун эзэнээ ада баршадhаа болон элдэб мэхэhээ, тонуулшадhаа, хулгайшадhаа абардаг убадистай.
Хүдөө нютаг. Эдэ хоёр үгэ уншахадатнай, танай ухаан бодолдо, зүрхэ сэдьхэлдэ ямар мэдэрэл түрэнэб? Хүдөө нютаг гэхэдэ, минии ухаанда эжы абамни залууханууд, үүлэгүй үхибүүн һайхан наһан, үеын олон нүхэд ойндом эрьен ерэнэ. Хүн бүхэндэ түрэһэн һайхан тоонто нютагһаа үлүү юумэн байхагүй.
Буряад Уласаймнай үргэн ехэ дайдаар нэмжыһэн уһа голнуудаар мүльһэн гарасанууд хаагдажа эхилбэ. Мартын 18-һаа ниислэл Улаан-Үдэ хотодо дүтэ оршодог Мостовой станциин болон Татаурово тосхоной мүльһэн гарасанууд ашаглагдахаяа болибо.
Бүгэдэ буряадуудай диктант бэшэлгэ мартын 23-да эмхидхэгдээ. «Эрдэм» гэһэн хэмжээ ябуулга Буряад Уласай бүхы аймагуудта үнгэргэгдэһэн байна. Түнхэнэй аймагай Жэмһэгэй дунда һургуулиин дэргэдэ диктант бэшэлгын талмай зохёогдоо.
Зэдын аймагай түб тосхон болохо Петропавловкын 1-дэхи hургуулида тамирай шэнэ байшанай барилга түгэсхэлдѳѳ хүрэжэ байна.
Мухар-Шэбэрэй аймагай Хошуун-Үзүүр һууринай «Туяа» гэһэн сэсэрлигтэ хүүгэдые буряад хэлэндэнь һургаха хэрэгтэ горитой анхарал хандуулагдадаг.
Үшөө харуулха
