Болбосоролой эмхи зургаануудта ажалай талаар хүмүүжүүлгэ дахин эхилхэ тухай хандалга Арадай Хуралай һунгамалнууд дэмжэбэ. Ородой Холбоото Уласай Гүрэнэй Дүүмэдэ ба Ородой Холбоото Уласай Засагай газарта Удмуртиин Гүрэнэй Зүблэл энээн тухай хандалга оруулһан байна.
Буряад ороной түлөөлэгшэд гүрэнэй - хубиин аргаар тамирай байшангуудые барилгын дүй дүршэлөөр уласхоорондын хэмжээндэ хубаалдаа.
2022 ондо Буряад орон федеральна түлэбэй ашаар Хяагта, Северобайкальск ба Закаменск хотонуудта 14 автобусуудые худалдан абтагдахаар түсэблэгдэнэ. Буряад орондо федеральна һан жасаһаа мүнгэ зөөри шэглүүлэгдээ. Энээн тухай захиралта Россиин Засагай газарай Түрүүлэгшэ Михаил Мишустин баталаа.
Арадай Хуралай ээлжээтэ сесси сентябриин 27-до болобо. Тэндэ 27 асуудал зүбшэн харагдаһан байна.
Сэрэгэй албанда татагдаһан арад түмэнтэй Буряад Уласай Толгойлогшо Алексей Цыденов “Дивизионная” станцида уулзаба.
Мүнөө сагта һургуулинуудта багашуулые хэр зэргэ хооллуулнаб? Олон гэртэхинтэй хөөрэлдэхэдэ, эдеэниинь яһала һайн болонхой гэжэ хэлсэнэ. Буряад Уласай “Болбосорол тухай” хуулиин ёһоор, 1-дэхиһээ 4-дэхи хүрэтэр ангиин һурагшад, мүн тулюур байдалтай гэр бүлын багашуул үдэрэй нэгэ дахин халуун эдеэгээр хангагдаха ёһотой, харин һургуулида ябадаг муу бэетэй үхибүүд үдэрэй хоёр дахин. Гэртээ һурадаг эрэмдэг бэетэй хүүгэд мүнгэн тэдхэмжэ абадаг юм. Минии һайн танил һургуулиингаа, ангиин бүлэг соо ороод, һургуулиин эдеэ хоол тухай асуудал табиһан байна.
Арадай Хуралай бюджетнэ хороонойхид уласай хог болбосоруулдаг заводто гүрэнэй талаһаа найдал үгтэхэ тухай асуудал хараба.
Арадай Хуралай һунгамалнууд сентябрь һарын ерэхэ сессидээ бэлдэжэ байна. Тиин Хуралай хороонууд хурсаар гаража ерэһэн асуудалнуудаар дүхэриг шэрээнүүдые эмхидхэнэ.
Республикын Аяншалгын яаман нэгэ түхэлэй зошод буудалнуудые бариха талаар түлэбүүдые шэлэн абана. Хоёр шатын дүнгүүдээр 18 олзын хэрэг эрхилэгшэд 15-һаа 30 сая хүрэтэр түхэриг абаа. Сентябриин 14 болотор түгэсхэлэй шатада хабаадаха мэдүүлгэнүүд абтагдаха.
Россиин хүдөө ажахын сайд Дмитрий Патрушев албанайнгаа хэрэгээр Буряад орондо ерэжэ, республикын Толгойлогшо Алексей Цыденовтэй уулзаа. Дмитрий Патрушев агропромышленна һалбариин үйлэдбэринүүдтэй танилсаа, гүрэнэй «Хүдөө нютагуудай хүгжэлтэ» гэһэн түлэбөөр Тарбагатайн аймагай поликлиникэ хүрөө.
Аха дүү Монгол арадай түлөөлэгшэд албанай хэрэгээр Буряадтамнай морилбо. Улаан-Баатар хотын мэр Долгорсурэн Сумъяабазар түрүүтэй бүлэг мэргэжэлтэд Улаан-Үдын авиазавод, ЛВРЗ, Ядерна эмнэлгын түб хүрэһэн байна.
Сентябриин 11-дэ Росси дотор һунгалтын нэгэдэмэл үдэр. Энэ үдэр Буряад Уласта Толгойлогшые, Сэлэнгын аймагай захиргаанай гулваае, Кабанскын аймагай депутадуудые, мүн Улаан-Үдэ хотын Зүблөөнэй депутадуудые һунгаһан байна.
Буряадай Толгойлогшо Алексей Цыденов болон Федерациин Зүблэлэй сенаторнууд Улаан-Үдэдэ үнгэргэгдэһэн зүблөөндэ зайн галай элшэ хүсэнэй хүгжэлтын асуудалнууд дээрэ тогтоо.
Үнгэрһэн долоон хоногто Федерациин Зүблэлэй түлөөлэгшэд, Россиин байгаалиин нөөсэнүүдэй сайдай орлогшо Дмитрий Тетенькин, Россиин элүүрые хамгаалгын сайдай орлогшо Наталья Хорова гэгшэд Буряад ороной ниислэл хотодо ажал хэрэгээ ябуулаа. Курска байлдаанда совет сэрэгшэдэй фашистнуудые бута сохиһон дурасхаалта үдэртэй дашарамдуулан, уласай Толгойлогшо Алексей Цыденов, Ородой Холбоото Уласай Федеральна Суглаанай Федерациин Зүблэлэй сенаторнууд Илалтын хүшөөдэ сэсэгүүдые табижа ёһолоо.
Сентябриин 5-да Владивосток хотын Аякс тохойн эрьедэ «Алас Дурнын гудамжа» гэһэн тон ехэ харалган эхилхэ. Тэрээндэ Буряад орон онсо һонирхолтой аяншалгын һалбариин арга боломжонуудые, албан хэрэгэй ба промышленна түлэбүүдые, мүн арадай урлалай бүтээлнүүдые харуулха гэжэ урдахи дугаартаа мэдээсээ һэмди.
Августын 18-да Буряадай Толгойлогшо Алексей Цыденов албанайнгаа хэрэгээр Бэшүүрэй аймагаар ябаба. Тэрэ Бэшүүр, Хонхоло болон Дабаата нютагуудта хэдэн ниигэмэй эмхинүүдэй байрануудые хараа. Хүдөөгэй хоёр клуб нээгдэжэ, һургуулинууд болон ниигэмэй хангалгын барилганууд харуулагдаа.
Буряад Уласай Болбосоролой болон эрдэм ухаанай яаманай 2022 оной июлиин 14-эй 943 дугаарай захиралтаар Ниитын-улас түрын бодолгын буряад нэрэ томьёонуудай болон засагай зургаануудай нэрэнүүдэй шэнэ суглуулбари баталагдаба. Яаман мүнөө үеын буряад хэлэнэй дүримүүдые баталха, сахилгыень хинаха, Буряад Уласай гүрэнэй хэлэнүүдтэ албан ёһоной оршуулга хангаха бүрин эрхэтэй гүрэнэй засагай зургаан юм гэжэ һануулая.
Россиин Засаг газарай Түрүүлэгшын орлогшо Виктория Абрамченко албанай хэрэгээр Буряад орондо ерэхэдээ, Буряадай Толгойлогшо Алексей Цыденовтэй нэн түрүүн баруун эрьеэрхи сэбэрлэлгын түхеэрэлгэнүүдтэ хүрөө. Эндэ Виктория Абрамченко тэдэнэй һэльбэн шэнэлэлгын ажалнуудые хинан шалгаа.
Буряад Уластахи үйлэдбэринүүдтэ, ашагта малтамал малталгын болон аяншалгын һалбаринуудта хүрэнгэ шэглүүлдэг түлэбүүд бэелүүлэгдэнэ.
Буряад Уласта байгаали ашаглалгын болон оршон тойронхиие хамгаалгын «Бурприрода» эмхиин байгуулагдаhаар 17 жэл июлиин 15-да гүйсэбэ. Тус эмхиин мэдэл доро онсо харууhанай 13 заказнигууд, байгаалиин аяар 57 хүшөөнүүд, тэрэ тоодо олондо мэдээжэ Шумааг гэжэ парк, Байгалай эрье ороно. Эдэ бүгэдые жэнхэни ёһоорнь ариг сэбэрээр байлгаха гол зорилго даанхай гүрэнэй эмхиин дарга Алдар Зоригтуевич Цыбикмитовтэй хѳѳрэлдѳѳ эмхидхэбэбди.
Үшөө харуулха
